बुटवल, मंसिर ४ । सरकारले संविधान संशोधन प्रस्ताव दर्ता गराउने तयारी गरिरहेका बेलामा नेकपा एमालेले औचित्य र आवश्यकता प्रष्ट नपारी त्यो प्रस्ताव दर्ता नगर्न चेतावनी दिएको छ । एमालेको सि·ो नेतृत्व एक भएर औचित्य र आवश्यकता पुष्टि नभई संशोधनको कुरा शोंच्न पनि नसिकने स्पष्ट पारेको छ ।
एमाले पा“च नम्बर प्रदेश संगठन कमिटीको शनिबार बुटवलमा भएको अगुवा कार्यकर्ता भेलामा सहभागी एमाले नेतृत्वले संविधान कार्यान्वयन नगरी संशोधन हुनै नसक्ने कुरा दोहोराएको छ । एमालेले संविधान कार्यान्वयन गर्ने बेलामा अनेक बहाना र नाममा संशोधनको कुरा उठेको र त्यो नेपाल र नेपालीको हितमै नरहेको बताउदै आएको छ । संविधान संशोधनका नाममा अहिले दवाव खडा गर्ने क्रम चलिरहेको र त्यसरी दवाव समुहको स्वार्थ मुलुकको हितमै नरहेको एमाले नेताहरुले प्रष्ट पारेका छन् ।
कार्यक्रममा एमाले अध्यक्ष केपी शर्मा ओली, पूर्व अध्यक्ष तथा वरिष्ठ नेता झलनाथ खनाल, अर्का वरिष्ठ नेता माधवकुमार नेपाल, वरिष्ट उपाध्यक्ष वामदेव गौतम, महासचिव ईश्वर पोखरेल, उप–महासचिव द्वय विष्णुप्रसाद पौडेल र घनश्यम भुषाल, सचिवहरु प्रदीपकुमार ज्ञवाली, गोकर्ण विष्ट, स्थायी समितिका सदस्य शंकर पोखरेल, प्रदेश संगठन कमिटीका सह–संयोजक दलबहादुर राना, स्थायी समितिका सदस्य छबिलाल विक तथा प्रदेश कमिटी अन्तर्गत रहेका जिल्लाहरुबाट निर्वाचित भएका भुगोलका केन्द्रीय सदस्यहरु सहभागी थिए ।
भेलामा अगुवा कार्यकर्ताका रुपमा प्रदेश कमिटीका सदस्यहरु, जनवर्गीय संगठनहरुका जिल्ला अध्यक्षहरु, तिनै जनवर्गीय संगठनबाट केन्द्रमा प्रतिनिधित्व गर्ने केन्द्रीय पदाधिकारी तथा सदस्यहरु सहभागी छन् । भेलामा संविधान कार्यान्वयनका लागि जनपरिचालन अभियानलाई सफल बनाउने विषयमा नेताहरुले कार्यकर्ताहरुलाई निर्देशन दिएका थिए ।
कार्यक्रममा बोल्दै एमाले अध्यक्ष तथा पूर्व प्रधानमन्त्री केपी शर्मा ओलीले अहिले संविधान कार्यान्वयनको अन्तिम चरणमा पुगेका बेलामा मुलुकलाई दीर्घकालसम्म अस्थिर र अनिश्चयता तर्फ धकेल्ने र संवैधानिक रिक्तता बनाउने षड्यन्त्र स्वरुपले संशोधनको कुरा उठेको बताए । उनले कसैको आग्रह वा पूर्वाग्रहका भरमा नेपालको हित हुने बेगरका स्वार्थलाई पूरा गर्ने नाममा एमाले साक्षी नबस्ने स्पष्ट पारे ।
यस अघि भैरहवा विमानस्थलमा प्रेस चौतारी नेपाल रुपन्देहीको पत्रकार सम्मेलनमा बोल्दै अध्यक्ष ओलीले संविधानले ब्यवस्था गरेका संरचनहरु वा निकायहरु संविधानले भने बमोजिम तयार गर्नु, निर्वाचन गर्नु वा गठन गर्नु र तिनीहरुलाई पूर्ण रुपमा क्रियाशील बन्ने अवस्था सिर्जना गर्ने काममा लाग्नुको साटो सरकार कतै कसैको इशारमा देश हितका विरुद्ध लागिरहेको बताएका थिए ।
एमालेका नीति के हुन् भनेर तपाईंहरुलाई सोध्न मन लाग्छ भने पहिले तपाईं आफैंलाई सोध्नुस् । तपाईंको मनले जे गर्दा उचित हुन्छ भन्छ त्यही गर्नुस् । त्यही हो एमालेको नीति । तपाईंले देशको हितलाई ध्यानमा राखेर सोच्नु भो भने एमालेको नीति पाउनुहुन्छ ।
