असोज ३,२०७३, सिलान्यास गरिएको ४ चार लेनको कार्य यथाशिघ्र प्रारम्भ गरी भिठ्ठामोड–जनकपुर सडकलाई ६ लेनको बनाउने लगायतका ५पाँचबुदे माँग राख्दै महोत्तरीको पिपरामा बसेका अनसनकारीहरुको स्वास्थ्य अवस्था खस्कदै गएको छ । बृहत्तर जनकपुर क्षेत्र विकास परिषदका अध्यक्ष लगायत ४ जना भाद्र २८ गते मंगलवार बिहान ११ बजेबाट अमरण अनसनमा बसेका हुन् । आमरण अनसनमा भिठ्ठामोड–जनकपुर सडक निर्माणकालागि सर्वपक्षीय, महोत्तरी–धनुषा संयुक्त संघर्ष समितिका संयोजक समेत रहेका, र्बहत्तर जनकपुर क्षेत्र विकास परिषदका अध्यक्ष राम कुमार शर्मा, नेकपा माओवादी केन्द्रका यूवा नेता सत्येन्द्र यादव, तमलोपाका यूवा नेता आर.के. रौशन तथा स्वतन्त्र मधेश गठबन्धनका रञ्जितराज मधेशी बसेका हुन । स्वास्थकर्मी अजित मिश्राका अनसार अनसनकारीहरुको व्लडप्रेशर लो छ, यस्तै रहे चाँडै स्लाइनिंग गर्नुपर्ने अवस्था आउन सक्छ ।
संघर्ष समितिले, सरकारबाट शिलान्यास भएको ४ चार लेन सडकको निर्माण यथाशिघ्र प्रारम्भगर्न, दशै भन्दा अगावै पूर्ण मरम्मतगर्न, ३० महिनाको साटो १५ महिनामा निर्माणकार्य सम्पन्न गराउन, पेटी निर्माणकर्ताबाट नभई प्रमुख कन्सट्रक्सनद्वारा नै सडक बनाउन, ऐतिहासिक, धार्मिक तथा अन्तर्राष्ट्रिय एवम् पर्यटकीय महत्वको सडकलाई ६ लेनको बनाउन, गुणस्तरीय काम गराउन स्थानीय उपभोक्ताहरु पनि भएको सर्वपक्षीय अनुगनमन समिति गठन जस्ता पाँचबुदे मागराख्दै भाद्र २० गतेदेखि आन्दोलन गर्दै आएका आएका हुन । आमरण अनसनको तेस्त्रो दिन बित्नलाग्दा समेत सरकारतर्फबाट कुनै पहल भएको छैन ।
