काठमाडौ,असोज ३, पहिलो सविधान दिवस देशभर विशेष समारोहको आयोजना गरि मनाइएको छ । २०७२ साल असौज ३ गते सविधानसभाले सविधान जारी गरेको दिन पारेर सरकारले सविधान दिवसका अवसरमा सोमवार राजधानीको सैनिक मञ्च टुडिखेलमा आयोजना गरेको विशेष समारोहको आयोजना गर्यो । उक्त समारोहको राष्ट्रपति विद्यादेवी भण्डारी,प्रधानमन्त्री पुष्पकमल दाहाल र प्रधानन्यायाधिश सुशीला कार्कीले संयुक्त रुपमा परेवा उडाएर उद्घाटन गर्नुभएको थियो ।
सो समारोहलाई सम्वोधन गर्दै प्रधानमन्त्री पुष्पकमल दाहालले संविधान कार्यन्वयनका लागि सबै राजनीतिक दललाई एकजुट हुन आग्रह गर्नु भयो । सविधान गतिशिल र जिवन्त दस्तावेज भएकोले जनताको आकाक्षा अनुसार संशोधन हुने बताउँदै उहाँले मधेशी समुदाय लगायत सवैलाई समेटेर सर्वस्वीकार्य बनाउन छिट्टै सविधान संशोधन प्रकृयामा सरकार प्रतिवद्ध भएको बताउनुभयो । उहाँले तीनै तहको चुनाव गराउनुपर्ने बताउँदै चुनावलाई लाभहानीका रुपमा नहेर्ने सवै राजनीतिक दलहरुलाई आग्रह गर्नुभयो । कार्यक्रममा नेपाली सेनाले हेलिकोप्टरबाट पुष्पवृष्टि गरेको थियो । त्यस अवसरमा समारोहमा विभिन्न साँस्कृतिक झाँकीको प्रर्दशनी र विशेष मार्चपास समेत गरिएको थियो । यसैगरी खेल प्रदर्शनी पनि गरिएको थियो ।
