बुटवल, असोज ४, चीन भ्रमणमा रहनुभएकी सम्माननीय सभामुख ओनसरी घर्ती र चीनको गान्सु प्रान्तका उपप्रधानमन्त्री बीच चीनका राष्ट्रपतिको संभावित नेपाल भ्रमणबारे छलफल भएको छ । चीनको ६ दिने लामो औपचारिक भ्रमणमा रहनुभएकी सभामुख ओनसरी घर्ती र गान्सु प्रान्तका उपप्रधानमन्त्री ीष्ग् थ्बलम्यलन बीच शिष्टाचार भेट भएको हो । भेटमा नेपालका तर्फबाट सभामुख घर्तीसंगै पूर्वअर्थमन्त्री बर्षमान पुन अनन्त र संसद सचिवालयका महासचिव मनोहरप्रसाद भटराईको सहभागिता थियो भने चीनका तर्फबाट गान्सु प्रान्तका संस्कृती मन्त्री र विदेश राज्य मन्त्री लगायतको उपस्थिती थियो । भेटमा उपप्रधानमन्त्री ीष्ग् थ्बलम्यलन ले नेपाल सरकारले चीनका राष्ट्रपति सी जिनपिङलाई नेपाल भ्रमणका लागि आमन्त्रण गरेकोमा धन्यवाद व्यक्त गर्नभयो । दुई देशबीचको कुटनीतिक सम्बन्ध विस्तार, नेपालमा भूकम्पपछिको पुनर्निर्माणमा चीन सरकार थप सहयोग गर्न तयार रहेको उहाँले बताउनुभयो । उहाँले चीनमा अध्ययनका लागि नेपाली बिद्यार्थीलाई दिने छात्रवृत्ती बढाउन चीन सरकार तयार रहेको बताउनुभयो ।सम्माननीय सभामुख ओनसरी घर्तीले नेपाल सधै एक चीन नीतिको पक्षमा रहेको प्रष्ट पार्नुभयो । उहाँले चीनका राष्टपतिको नेपाल भ्रमण छिटै हुने विश्वास व्यक्त गर्दै चीन सरकारले आयोजना गरेको सिल्क रोड सम्बन्धि एक्स्पोको सफलताको कामना गर्नुभयो । पछिल्ला दिनहरुमा चिनीयॉ पर्यटकहरुको नेपाल भ्रमणमा वृद्धी भएकोमा सभामुखले खुसी व्यक्त गर्नुभएको उहाको सचिवालयले जनाएको छ ।
