बुटवल असोज ४,प्रहरीले तास खेलेको भन्दै रुपन्देहीको बुटवलबाट पाँच जनालाई पक्राउ गरेको छ । बुटवल उप महानगरपालिका वडा नं.१३ स्थित तिलोत्तमा स्टिल एण्ड फाईबर ईन्डट्रिजमा तास खेल्दै गरेका ब्यक्तिहरुबाट नगद ३८ हजार ३ सय रुपिया समेत वरामद भएको प्रहरीले जनाएको छ । पक्राउ पर्नेहरुमा बुटवल उप महानगरपालिका वडा नं.९ बस्ने अनिल श्रेष्ठ, वडा नं. १३ बस्ने दिपक अधिकारी, सोही ठाँउका भबिन्द्र कुंवर तथा बुटवल वडा नं. १३ बस्ने राजेन्द्र कार्की र सोही ठाउ बस्ने श्रीधर बि.क रहेका छन । उनीहरुमाथि जुवा मुद्दामा अनुसन्धान भैरहेको इलाका प्रहरी कार्यालय बुटवलले विज्ञप्ति जारी गरि जनाएको छ ।
