बुटवल, असोज ४ नेपालका प्रधानमन्त्री पुष्पकमल दाहाल ९प्रचण्ड० र भारतका प्रधानमन्त्री नरेन्द्र मोदीले जारी गरेको २५ बुँदे संयुक्त वक्तव्य प्रति ने।क।पा। ९मसाल०ले गम्भीर आपत्ती जनाउदै विरोध गरेको छ । मसालका महामन्त्री मोहनविक्रम सिहले एक विज्ञप्ति जारी गरि संयुक्त वक्तव्यमा नेपालको राष्ट्रियता, सार्वभौमिकता र अखण्डतामा गम्भीर खतरा पुग्ने सम्भावना निहित भएको कुरा प्रष्ट भएको उल्लेख गर्नुभएको छ । वक्तव्यमा उल्लेखित कतिपय बुँदाहरूबाट नेपाल प्रतिको भारतीय विस्तारवादी स्वार्थलाई मद्दत पुग्ने र नेपालको राष्ट्रिय हितमा गम्भीर खतरा पुग्ने खालका भएको सम्भावनाप्रति ने।क।पा। ९मसाल०ले सम्पूर्ण जनताको ध्यान आकर्षित गर्न चाहेको भनिएको छ । मसालको विज्ञप्तिमा २५ बुँदे संयुक्त वक्तव्यमा सबै प्रमुख अन्तर्राष्ट्रिय विषयहरूमा नेपालले आफ्नो परराष्ट्र नीति भारतीय परराष्ट्र नीति अनुसार बनाउने कुरा स्वीकार गरिएको विषय नेपालले जोड दिंदै आएको तठस्थ परराष्ट्र नीतिका विरुद्ध रहेको र त्यही क्रममा नेपालले संयुक्त राष्ट्र सङ्घको सुरक्षा परिषद्मा स्थायी सदस्यताका लागि भारतको उम्मेदवारीलाई समर्थनको कुराको विरोध गरिएको छ ।
सामान्यत सबै छिमेकी देशहरूप्रति र विशेषतः नेपालप्रति भारतले अपनाउँदै आएको विस्तारवादी र हस्तक्षेपकारी भूमिकामाथि विचार गर्दा नेपालले संयुक्त राष्ट्रसङ्घको सुरक्षा परिषद्को स्थायी सदस्यतामा भारतलाई समर्थन गर्नु अत्यन्त गलत र अदुरदर्शीतापूर्ण कार्य हुनेछ भन्दै मसालले पहिलेका कतिपय सरकारहरूले पनि त्यस प्रकारको नीतिलाई समर्थन गरेको आधारमा आफ्नो त्यस प्रकारको नीतिलाई सही ठहराउने प्रचण्डको प्रयत्नलाई कुनै पनि अवस्थामा सही भन्न नसकिने दावी गरेको छ ।
यस्तै संयुक्त विज्ञप्तिबाट भारतको संविधान प्रतिको त्यस प्रकारको दृष्टिकोण यथावत रहेको र प्रचण्डले समेत त्यस प्रकारको धारणालाई कार्यान्वयन गर्न प्रतिबद्धता प्रकट गरेको देखिएको भन्दै मसालले अहिलेको संविधानमाथि भारतीय विस्तारवादी आवश्यकतानुसार संशोधन गर्न माओवादी र ने।का।को गठबन्धन सरकार प्रयत्नशील हुने कुरा प्रष्ट छ र त्यो अवस्थामा नेपालको राष्ट्रियता, सार्वभौमिकता र अखण्डतामा आँचपुग्ने मात्र होइन, कट्टरपन्थी हिन्दूहरूको वर्तमान भारतीय सरकारले गणतन्त्र र धर्म निरपेक्षतामा समेत संशोधन गरेर नेपाललाई हिन्दू राष्ट्र बनाउने र राजतन्त्रको पुनस्र्थापनाको लागि दवावदिने कुरा पनि प्रष्ट छ भनिएको छ ।
ने।क।पा। ९मसाल०ले सम्पूर्ण नेपाली जनता र देशभक्त शक्तिहरूसित उच्च प्रकारको सतर्कता ऐक्यवद्धता र आन्दोलनको लागि अपील पनि गरेको छ ।
।।
