काठमाडौं । असोज ४,
नेपाली कांग्रेस ओखलढुंगाका सांसद रामहरि खतिवडाले भुकम्पपिडितलाई दिने भनिएको रकम तत्काल उपलब्ध गराउन माग गर्नुभएको छ । उहाँसहितको एक प्रतिनिधि मण्डलले राष्ट्रिय पुनःनिर्माण प्राधिकरणका कार्यकारी प्रमुख सुशील ज्ञवालीलाई भेट गरी भूकम्प पिडितलाई सरकारद्वारा राहत स्वरुप दिइने रकम रु १ लाख ५० हजार दशै अगाडी तुरुन्त दिने व्यवस्था गर्न आग्रह गर्नु भयो । हाल पहिलो किस्ता वापत वितरण गरिएको ५० हजार सदरमुकामबाट मात्र रकम दिने व्यवस्थालाई नगद शिविर आयोजना गरी सम्बन्धित गा.वि.स. बाट नै रकम दिन पनि उहाले आग्रह गर्नुभयो । जवाफमा कार्यकारी निर्देशक ज्ञवालीले तुरुन्तै त्यो व्यवस्था अर्थ मन्त्रालयसँग समन्वय गरी गाउँमा नै रकम वितरण गर्ने र छुट भएकोहरुलाई आवश्यक प्रकृया मिलाउन प्रयासरत रहेको कुरा गर्नु भयो ।
