बुटवल,असोज १६ । बेलायती राजकुमारी बिट्रेस एलिजावेथ म्यारीले काठमाडौं तिनदिने भ्रमणका लागि नेपाल आउनुभएको छ ।
२८ वर्षीया राजकुमारी बिट्रेस बेलायतकी महारानी एलिजाबेथ द्वितीयकी नातिनी हुनुहुन्छ ।उहाँले आइतवार तिलगंगा आँखा अस्पताल निरीक्षण गर्नुभयो ।
नेपालका केही दुर्गम जिल्लामा तिलगंगा मोडलको आँखा अस्पताल खोल्ने योजना बनाइरहेको राजकुमारी बिट्रेससहितको टोलीले तिलगंगा अस्पताल निरीक्षण गरेको हो ।
टोलीले अस्पतालको ओपीडी, इमर्जेन्सी, ल्याब र लेन्स निर्माण कक्षको अवलोकन गरेको थियो ।
