बुटवल, असोज १७ । बुटवलमा अन्तराष्ट्रिय क्लव अन्तर्गतको एउटा नयाँ रोट्रयाक क्लवको औपचारिक रुपमा एक समारोहका बीच जन्म भएको छ । केही समयदेखि बुटववलमा सामाजिक गतिविधिमा सहभागी हुँदै आएको रोट्रयाक क्लव अफ बुटवल रामापिथेकसलाई औपचारिकता दिदै शनिवार प्रमाणपत्र प्रदान गरिएको छ ।
बुटवलमा क्रियाशिल रोटरी क्लब अ˚ बुटवल डाउन टाउनले स्पोन्सर गरेको नयाँ क्लव रोट्रयाक क्लव अफ बुटवल रामापिथेकसको चार्टर प्रिजेन्टेशन सेरेमोनी समारोहमा प्रमुख अतिथी जोन १७ का असिस्टेन्ट गर्भनर हरि पौडेलले नयाँ क्लवको दर्ता प्रमाणपत्र भब्य समारोहका बीच रामापिथेकसका अध्यक्ष सरोज पोेखरेललाई हस्तान्तरण गर्नुभएको थियो ।
रोटरी क्लव अफ बुटवल डाउनटाउनका अध्यक्ष राजेन्द्र ढकालको अध्यक्षतामा भएको प्रिजेन्टेशन सेरेमोनी समारोहमा रोट्रयाक डिस्ट्रिक कमिटी ३२९२ नेपाल भुटानका डि.आर. आर. शुशिल कुमार कार्की, जोन १६ का असिस्टेन्ट गर्भनर लक्ष्मण ज्ञवाली, रोटरी क्लव अफ बुटवल डाउनटाउनका युथ सर्विस डाइरेक्टर कमला हमाल, इनरवील क्लव अफ रुपन्देहीकी इना उपाध्याय, रोट्रयाक क्लव अफ बुटवल डाउनटाउनका अध्यक्ष तुल्सी आचार्य, रुपन्देही ब्यापार संघका वरिष्ठ उपाध्यक्ष पदम श्रेष्ठ, वडा प्रहरी कार्यालय बुटवलका कार्यालय प्रमुख श्री प्रदिप जि.सी., रोटरी क्लव अफ बुटवल डाउनटाउनका सचिव तुलसी घिमिरे लगायतले बोल्नुभएको थियो ।
कार्यक्रममा विशिष्ट अतिथि रोट्रयाक डिस्ट्रिक कमिटी ३२९२ नेपाल भुटानका डि.आर. आर. शुशिल कुमार कार्कीले सबै पदाधिकारी तथा सदस्यहरुलाई पद तथा गोपनियताको सपथग्रहण गराउनु भएको थियो भने प्रमुख अतिथि जोन १७ का असिस्टेन्ट गर्भनर हरि पौडेलले माला तथा खादा लगाइदिनुभएको थियो ।
प्रमाणपत्र प्रदान पश्चात उक्त कार्यक्रम कमिटीका चार्टर प्रेसिडेन्ट सरोज पोखरेलको अध्यक्षतामा भएको थियो भने सञ्चालन क्लवका सचिव पुरुषोत्तम भण्डारी र धन्यवाद ज्ञापन क्लवका निर्वाचित अध्यक्ष एवं कार्यक्रमको ब्यवस्थापक बालकृष्ण पाण्डेले गर्नुभएको थियो ।
