बुटवल,असोज१७ । भारतीय राष्ट्रपति प्रणव मुखर्जीले अगामी कातिक १७ देखि १९ सम्म नेपालको औपचारिक भ्रमण गर्नुहुने भएको छ ।
नेपाल भ्रमण कार्तिकमा हुने भनिएपनि आज मात्रै भारतीय राष्ट्रपति मुखर्जीको नेपाल भ्रमणको मिति तय भएको हो ।
तिहारको भोलीपल्ट अर्थात नोभेम्वर २ तारिखमा नेपाल आउनुहुने मुखर्जी ४ तारिखमा स्वदेश फर्कनुहुने नेपाल सरकारले पुष्टि गरेको छ।
राष्ट्रपति विद्यादेवी भण्डारीको निमन्त्रणामा आउन लाग्नुभएका मुखर्जीले तीन दिने भ्रमणमा उच्चस्तरीय भेटवार्ता पनि गर्नुहुनेछ ।
