बुटवल असोज १९ । दशैंमा काठमाडौबाट घर फर्कन टिकट पाउनु भएन ? महङगोमा पर्नु भयो ? वा सिट भनेर दिएको टिकट अनुसार सिट पाउँनुभएन ?
यदि त्यस्तो भयो भने ट्राफिक प्रहरीलाई खबर गर्नु्स् ट्राफिक प्रहरीले सहज रुपमा टिकट ? अथवा अरु कुनै समस्या भयो र तपाई ठगिनु भयो भने त्यहीबाट तत्काल प्रहरीलाई फोन गर्नुस । प्रहरीले तपाईलाई सघाउने र दोषीलाई कारवाही गर्ने बताएको छ ।
काठमाडौ प्रहरीले दशै लगायतका चाडवाड लक्षित विशेष सुरक्षा अभियान चलाएको र यात्रु ठगिएको पाइए तत्काल आवश्यक प्रकृया अपनाइ ठग्नेलाई कारवाही गर्ने काम भैरहेको महानगरीय प्रहरी परिसर काठमाडौं प्रमुख एसएसपी विक्रम थापाले जानकारी दिनुभयो ।
उहाँले बढ्दो चापलाई ध्यानमा राखि काठमाडौं उपत्यकाबाट बाहिरिने र भित्रिने सवारीलाई विशेष निगरानीमा राखिएको पनि जानकारी दिनुभयो । उहाँले यात्रुसँग तोकिएको भन्दा बढी भाडा असुल्नेलाई निगरानीमा राखिएको र केहीलाई पक्राउ समेत गरिएको बताउनुभयो ।
टिकट बुकिङ हुने र गाडी छुट्ने क्षेत्र नयाँ बसपार्क, चावहिल, बालाजु बसपार्क, कलंकी र बल्खु तथा कोटेश्वर लगायतका क्षेत्रमा सादा पोशाकमा प्रहरी परिचालन गरिएको पनि थापाले बताउनुभयो ।
प्रहरीले बढी भाडा लिने र दलाली गर्ने एक दर्जनभन्दा बढीलाइ पक्राउ गरि सार्वजनिक अपराध र ठगि मुद्दामा कारबाही अघि बढाउने तयारी भइरहेको पनि जनाएको छ ।
प्रहरीले समस्या हुनासाथ ट्राफिक प्रहरीले राखेको नागरिक सहायता कक्षमा उजुरी गर्न पनि यात्रुलाइ आग्रह गरेको छ ।
अथवा ट्राफिक प्रहरीको टोल फ्रि नम्बर १०३ मा खबर गर्न अनुरोध पनि गरेको छ । प्रहरीले नागढुङगा, थानकोट, फर्पिङ र जस्ता राजधानी भित्रिने मुख्य नाकामा २४ सै घण्टा सुरक्षा निगरानी गरिरहेको पनि दावी गरेको छ।
