काठमाडौं,असोज १९ । नेपाल-भारतका प्रवुद्ध समुहबीच सन् १९५० को सन्धि पुनरावलोकन गर्ने सहमति भएको छ ।
नेपालले पहिल्यै देखि उक्त सन्धिका केही बुँदा असमान भएकोले पुनरावलोकन गर्नुपर्ने बताउँदै आएको थियो ।
केही राजनीतिक दलले उक्त शान्ति तथा मैत्री सन्धि असमान भएको भन्दै खारेज नै गर्न माग गर्दै आएका छन ।
बुधवार नयाँ दिल्लीमा सम्पन्न प्रवुद्ध समुहबीच सन्धि पुनरावलोकन गर्न बुँदागत छलफल थाल्ने सहमति भएको हो ।
उक्त सन्धिबारे वैठकको पहिलो दिन मंगलवार नै नेपालले चाहेको संशोधनको प्रावधानहरुका बारेमा भारतीय पक्षलाई जानकारी गराएको थियो ।
बैठकमा नेपाली प्रवुद्ध समुहका संयोजक भेषवहादुर थापाले उक्त सन्धिका केही बिषय असान्दर्भिक भएको र केहीमा संशोधन गर्नुपर्ने आवश्यकता रहेको जानकारी गराउनुभएको थियो ।
दुइ दिन सम्मको छलफल सकारात्मक भएको र सन्धि पुनरावलोकनको सहमति भएको नेपाली प्रवुद्ध समुहका सदस्य राजन भट्टराईले मतपत्र नेपालसँग बताउनुभयो । समुहको अर्को बैठक ३ महिना पछि काठमाडौमा बस्नेछ । तस्वीर,राजन भट्टराईको फेसबुकबाट
