सर्वोच्चले अख्तियार प्रमुख लोकमानसिंह कार्कीको घरमा सुचना टास्न सकेन
काठमाडौ, असोज १९ । सर्वोच्च अदालतले अख्तियार दुरुपयोग अनुसन्धान आयोग प्रमुख आयुक्त लोकमानसिंह कार्कीको घरमा बुधवार सुचना टास्न सकेन ।
सूचना टाँस्न बुधवार दिउसो नयाँ बानेश्वर स्थित अख्तियार प्रमुख कार्कीको घरमा गएको सर्वोच्च अदालतको बिशेष टोली पुरै घर भाडामा लगाएको र कार्कीको परिवारका कोही नभएको भन्दै फर्किएको हो ।
कार्कीको घरमा सुचना टास्न वडा नम्वर १०का सचिवको रहोवर आवश्कय पर्ने भएकोले बुधवार वडा सचिव सरिता राई पनि सम्पर्कमै नआएको अदालतको टोलीले जनाएको छ ।
अख्तियार प्रमुख कार्कीको नियुक्तिको निर्णय पुनरावलोकन गर्ने निर्णय सर्वोच्च अदालतले गरेपनि म्याद बुझाउन भने सकेको छैन । कार्की अहिले विदेश भ्रमणमा हुनुहुन्छ ।
आयोगका प्रमुख आयुक्त कार्की नियुक्तिको कानुनसम्मत नभएको उल्लेख गर्दै अधिवक्ता ओमप्रकाश अर्यालले सर्वोच्च अदातलमा रिट निवेदन दायर गर्नुभएको थियो ।
०७० वैशाख २९ गते दर्ता भएको रिट सर्वोच्चले २०७१ असोज ८ गते खारेज गरेको थियो । त्यसपछि अधिवक्ता अर्यालले आयोगका प्रमुख आयुक्त कार्कीविरुद्ध फेरी पुनरावलोकनको निवेदन हाल्नुभएको थियो । तर त्यसयता अदालतले कार्कीलाई म्याद बुझाउन सकेको छैन ।
