बुटवल, असोज १९ । सहर्ष बचत तथा ऋण सहकारी संस्था लिमिटेड खड्ग बनगाईको छैठौं वार्षिक साधारणसभा तथा तेस्रो अधिवेशन सम्पन्न भएको छ ।
लोक बहादुर थापाको अध्यक्षता तथा ख बनगाइ तथा मान पकडी गाविसको सचिव लक्ष्मणप्रसाद ज्ञवालीको आतिथ्यतामा भएको कार्यक्रममा संस्थाका उपाध्यक्ष कमला खरालले स्वागत मन्तब्य ब्यक्त गर्नुभएको थियो ।
सभामा अध्यक्ष लोकबहादुर थापाले वार्षिक प्रतिवेदन लेखा समितिका संयोजक देवराज पौडेलले आवको लेखा परीक्षण प्रतिवेदन र आर्थिक प्रतिवेदन प्रस्तुत गर्नुभएको थियो ।
कार्यक्रममा किसान मनि टान्सपोटका प्रोपाइटर कर्णबहादुर क्षेत्री, शमदर्शी सहकारी संस्थाका अध्यक्ष चन्र्दमणी कडेल, ख बनगाइ स्वास्थ्य चौकीका ईन्चार्ज कविराज गौतम लगायतले शुभकामना मन्तब्य ब्यक्त गरेका थिए ।
तेस्रो अधिवेशनबाट अध्यक्षमा दल बहादुर श्रीस सर्वसम्मत रुपमा निर्वाचित हुनुभएको छ । उपाध्यक्षमा मनोज गुरुङ, सचिवमा खिमानन्द भुसाल, कोषाध्यक्षमा देविराम मरासिनी र सदस्यहरूमा यदु नदन गौतम, कृष्णप्रसाद पोख्रेल, बिक्रम यादव, सीता सापकोटा र रन्जता ढकाल रहनुभएको छ । यस्तै लेखा समितीमा लेखा संयोजक देवराज पौडेल र सदस्यमा दशरथ चौधरी, वेनुका गौतम निर्वा्चित भएको निर्वाचन अधिकृत उमाकान्त चापागाईंले जानकारी दिनुभयो ।
