बुटवल २० असोज । बुटवल उद्योग बाणिज्य संघले आन्तरीक राजश्व कार्यालय बुटवलका प्रमुख दर्गा भण्डारी र इलाका प्रहरी कार्यालय बुटवलका प्रमुख प्रहरी नायव उपरिक्षक मुकुन्द मरासिनीलाई स्वागत गरेको छ ।
संघ सचिवालयमा बिजया दशमीको शुभकामना सहित नव आगन्तुक कार्यालय प्रमुखहरुको स्वागत कार्यक्रममा संघका अध्यक्ष महेशमान सिंहले खादा र माला लगाएर उहाहरुलाई स्वागत गर्नु भएको हो ।
सोही अवसरमा अध्यक्ष सिंहले बुटवल उपमहानगरपालिकाका कार्यकारी अधिधृत धु्रब बहादुर खडका र वडा प्रहरी कार्यालय बुटवलका प्रमुख प्रहरी निरीक्षक प्रदीप कुमार डिसीलाई पनि सम्मान गर्नु भएको थियो ।
कार्यक्रममा बोल्दै आन्तरीक राजश्व कार्यालयका प्रमुख भण्डारीले आर्थिक क्षेत्रमा उदाउदो बुटवलमा सेवा गर्न पाउनु आफना लागि अवसर भएको भन्दै राज्यले लिने कर सरल र सहज तवरबाट लिन सेवाग्राही संग सहयोगी र समन्वयकारी भुमिका आफुले निर्वाह गर्ने प्रतिवद्धता व्यक्त गर्नु भयो ।
उहाले कार्यालयमा हुने कामलाई अझै सहज र सेवाग्राहीलाई बिचौलियाको माध्यमबाट सेवा लिन बाध्य हुने परिपाटीको अन्त्यका लागि उद्योग वाणिज्य संघलाई केही कर्मचारी सहितको युनिट राख्न पनि आग्रह गर्नु भयो ।
त्यस्तै इलाका प्रहरी कार्यालय बुटवलका प्रमुख मरासिनीले संघले बुटवलमा राखेको सीसीटिभि क्यामरालेअपराध अनुसन्धानमा सहयोग पुर्याएको भन्दैबुटवलका बाकि स्थान र बुटवलका मुख्य ४ वटा प्रबेशद्धारमा प्रभावकारी सीसीटिभि क्यामरा जडानका लागि पनि संघलाई अनुरोध गर्नुभयो ।
उहाले बुटवल तथा आसपासको क्षेत्रमा लागु औषध कारोवार ओसार पसार हुने गरेकालेत्यसको न्युनिकरणका लागि प्रत्येक घर परिवारलाई सजग बन्न सुझाव दिनु भयो ।
बुटवल नगरपालिकाका कार्यकारी अधिकृत खडकालेबुटवलको बिकासका लागि केही समय भएपनि काम गर्न पाएकामा आफुलाई गौरव अनुभुति भएको बताउनु भयो ।
कार्यक्रममा संघका अध्यक्ष सिंह, निवर्तमान अध्यक्ष सुरेन्द्र प्रसाद श्रेष्ठ र महासचिव हरि प्रसाद अर्यालले बुटवलको सामाजिक आर्थिक बिकासमा संघले गरेको योगदानका सम्वन्धमा जानकारी गराउनु भएको थियो ।
