काठमाडौ । असोज २८ । इलामको माइखोलामा डुंगा दुर्घटना हुँदा ८ जनाको मृत्यु भएको छ। मृत्यु हुनेमा दशैको टिका लगाउन गएका बालबालिका समेत छन्।
दुर्घटनामा परि डुवेका मध्ये २६ जनाको उद्धार गरिएको छ । इलामको दक्षिणी गाविस दानाबारीबाट महमाइको बिष्णेटार तर्फ जाँदै गरेको डुंगा खोलाको बिचमा पुगेपछि पल्टेको थियो ।
डुंगामा सवारहरु वडादसैंको टीका लगाउन आफन्तकोमा गएकाहरु र बजार गरेर फर्कदै गरेकाहरु रहेको इलाम प्रहरीले जनाएको छ ।
घटनामा परेकाहरुको थप खोजीका लागि सुरक्षाकर्मी र स्थानीयहरु सक्रियतापुर्वक खटिएका छन ।
