काठमाडौ । असोज २८ । नेपाली महिला क्रिकेट टिम आइसिसि महिला विश्वकप २०१७ का लागि एशियाली मुलुकबाट छनोट हुनबाट बाहिरिएको छ ।
हङकङमा शनिवार टस जितेर ब्याटिङ गरेको नेपाल थाइल्याण्डसँग पराजित भएपछि उक्त अवसर गुमेको हो ।
नेपालले निर्धारित २० ओभरमा चार विकेट गुमाउँदै एक सय आठ रन बनाएको थियो । नेपालका लागि नेरी थापा मगरले २५ बलको सामना गर्दै एक छक्का र तीन चौका सहित नटआउट ३२ रन बनाएकी थिइन ।
यस्तै इन्दु बर्माले २६, निर्मला शाहीले २०, ज्योती पाण्डेले १३ र रुविना क्षेत्रीले १० रन बनाएका थिए ।
जवाफमा एक सय ९ रनको लक्ष्य थाइल्याण्डले १८ ओभर चार बलमा नौ विकेट गुमाउँदै पूरा गर्यो ।
नेपालले लिगको पहिलो चरणको खेलमा पनि थाइल्याण्डसँग तीन विकेटको हार व्यहोरेको थियो ।
