काठमाडौ । कार्तिक २ ।प्रमुख प्रतिपक्षी दल नेकपा एमालेले प्रधानमन्त्री पुष्पकमल दाहालले भारतको गोवामा छिमेकीहरुसँग भएको छलफल र वार्ताबारे संसदलाई जानकारी गराउन माग गरेको छ ।
संसदको मंगलवारको बैठकमा एमाले संसाद भरतमोहन अधिकारीले भारतको गोवामा भएको भनिएको त्रिदेशीय छलफल र वार्ता भयो भनेर प्रधानमन्त्रीले गरेको दावी के हो संसदलाई जानकारी दिनुपर्छ भन्नुभयो ।
उहाँले प्रधानमन्त्री दाहालको सचिवालयले त्रिदेशीय वैठक र महत्वपुर्ण सहमति भएको भन्ने अनि लगत्तै भारतीय विदेश मन्त्रालयका प्रवक्ताले पत्रकार सम्मेलनमा त्यस्तो कुनै सहमति नभएको भनेर खण्डन गर्नुले विश्वसनीयतामा प्रश्न उठेको भन्दै चीनसँग एमाले नेतृत्वको पालामा प्रधानमन्त्री केपी ओली सरकारले गरेका सम्झौता कार्यन्वयन गर्न उदासिन रहेको भन्दै प्रधानमन्त्री दाहालको आलोचना समेत गर्नुभयो ।
यस्तै नेपाल मजदुर किसान पार्टीका सांसद प्रेम सुवालले त्रिदेशी छलफल के हो त्यसबारे प्रधानमन्त्री दाहालले संसदलाई स्पष्ट पार्नुपर्ने बताउनभयो । बैठकमा राप्रपा नेपालका सासंद कुन्ति शाहीले विपक्षीसँग छलफल नै नगरी सविधान संशोधन हुन नसक्ने बताउँदै संशोधन गर्ने भए हिन्दू धर्मबारे छलफल हुनुपर्ने माग गर्नुभयो ।
