काठमाडौ । कार्तिक २ । अदालतको म्याद तामेलीका नाममा कानूनको धज्जी उडाउने गरी तमासा भैरहेका बेला व्यवस्थापिका संसदमा अदालतलाई कमजोर बनाउने खेल भैरहेको र राजनीतिक दलहरुले नै अख्तियार प्रमुख लोकमासिंह कार्कीलाई जोगाउन खोजेको भन्दै सासंदहरुले कडा आपत्ति जनाएका छन ।
अख्तियार दुरुपयोग अनुसन्धान आयोगका प्रमुख लोकमानलाई अदालतमा उपस्थित हुने म्याद बुझाउनका लागि सर्वोच्च अदालतबाट भैरहेका प्रयास असफल भैरहेको र कहिले तामेलदार बेपतता हुने तथा कहिले वडासचिवले असहयोग गर्ने र कहिले केही समुहले नै सुचना टास्न नदिनेसम्मका खेल भैरहेका बेला सांसदहरुले उक्त बिषयमा आपत्ति जनाँउदै राजनीतिक दलहरुले नै लोकमानसिहं कार्कीलाई जोगाउन खोजेको भन्दै आपत्ति जनाएका हुन ।
ब्यवस्थापिका संसदको मंगलवार बसेको बैठकमा सासंदहरुले सर्वोच्च अदालतलाई कमजोर बनाउने खेलमा संसदले टुलुटुलु हरेर बस्न नहुने भन्दै कानून नमान्नेहरुलाई देश निकाल गर्नुपर्ने सम्म भने ।
संसद बैठकमा बिषेश समय लिएर बोल्दै सांसद गंगा चौधरीले सर्वोच्च अदालतले म्याद टास्न खोज्दा अवरोध गरिएको भन्दै लोकमान सिहं कुन लोकका यमराज हुन रु भन्नुभयो । उहाँले कानून उल्लंघनको काम जसले गरेपनि त्यस्तालाई देश निकाला गर्नुपर्ने माग समेत गर्नुभयो । सासद चौधरीले लोकमानसिहलाई राजनीतिक दलले नै संरक्षण दिएको आरोप लगाउनुभयो ।
यस्तै नेपाली कांग्रेसका सांसद राधेश्याम अधिकारीले अख्तियार दुरुपयोग अनुसन्धान आयोगका प्रमुख लोकमानसिंह कार्कीलाई विदा दिने निकाय मन्त्रिपरिषद नै भएको आफुले बुझेको बताउँदै कार्की एक महिना अघिदेखि किन विदेश जानुभएको हो र कहिले फर्किने हो त्यसवारे सरकारले संसदलाई जानकारी दिनुपर्छ, भन्नुभयो।
सांसद अधिकारीले सर्वोच्च अदालतलाई कमजोर बनाउने खेल भैरहेको भन्दै त्यस बिषयमा संसदले टुलुटुलु हेरेर बस्न नहुनेमा जोड दिनुभयो । उहाँले सर्वोच्च अदालतले कार्कीको घरमा म्याद टाँस्न नसकेको बिषयमा मिडियालाई बाहेक अरु कसैलाई चासो नभएको भन्दै दलहरुको ध्यानाकर्षण समेत गराउनुभयो ।
यसैगरी सासंद रेवतीरमण भण्डारीले म्याद तामेलीका लागि सर्वोच्च अदालतको टोली लोकमानसिहं कार्कीको घरमा जाँदा गुण्डागर्दीको शैलीमा अवरोध भएको भन्दै आपत्ति जनाउनुभयो ।
अख्तियार प्रमुख लोकमानसिह कार्कीको काठमाडौँ महानगरपालिका वडा नम्बर १० बानेश्वर हाइटस्थित घरमा म्याद तामेलीको सुचना टास्न सर्वोच्च अदालतले गरेको प्रयास अहिलेसम्म सफल हुन सकेको छैन । दशै अघि भएको प्रयास सर्वोच्चका तामेलदार शम्भु खत्री बिनासुचना बेपत्ता भएको र कहिले वडा नं १० की सचिव सरिता राईको असहयोगले असफल भएको थियो ।
बेपत्ता भएका तामेलदार खत्रीलाई सर्वोच्च अदालत प्रशासनले विभागीय कार्वाही गरि काभ्रे सरुवा गरेको छ । दशैपछि कार्यालय खुलेपछि सोमवार गएका नयाँ तामेलदार सहितको टोलीलाई लोकमानसिहं कार्कीकै आफन्त र केही ब्यक्तिले रोकेपछि उनीहरु त्यसै फर्केका थिए । सर्वोच्च अदालतले मंगलवार मात्रै म्याद तामेली भएको जनाएको छ । अधिवक्ता ओमप्रकाश अर्यालले कार्की विरुद्ध रिट हालेका हुन ।
