बुटवल । कार्तिक ६ । संसदमा दर्ता भएको अख्तियार प्रमुख लोकमानसिंह कार्कीविरुद्धको महाअभियोग प्रस्तावमा संसदको सवैभन्दा ठुलो दल काग्रेसले के गर्ला भन्ने प्रश्न अहिले सबैको चासोको बिषय बनेको छ ।
महाअभियोग प्रकरणलाई लिएर केन्द्रीय समिति बैठकमा मतभेद उत्पन्न भएपछि सभापति देउवालाई के गर्ने भन्ने अन्योल पनि बढेको छ।
हुन त देउवाले कार्कीका कामलाई शाही आयोगका जस्ता भनेर स्पष्ट संकेत दिएकै छन तर शेखर कोइराला र आनन्द ढुगाना तथा आफ्नै खेमाका एनपी साउद लगायतका नेताले महाअभियोगको विपक्षमा लविग गरेपछि काग्रेसमा अन्योल देखिएको हो ।
त्यसले दोस्रो दिन शुक्रबार पनि काग्रेस केन्द्रीय समिति बैठक बिना निर्णय टुंगियो र अर्को बैठक सोमबार बोलाइएको छ । जवकी आइतवार नै ससंदम महाअभियोग बारे प्रकृया अघि बढाउने तय भएको छ ।
