भैरहवा, कार्तिक ६। ने.क.पा एमाले जिल्ला कमिटी रुपन्देहीको आठौ अधिवेसनको तयारी पुरा भएको छ । कार्तिक ६ गते शनिबार भैरहवाको महेन्द्र सभा गृहमा विहान ११ बजे पार्टिका उपाध्यक्ष तथा पुर्व उपप्रधान एवं गृहमन्त्री बामदेव गौतमले उद्घाटन गर्ने अधिवेसनको तयारी पुरा भएको एमाले जिल्ला अध्यक्ष भोज प्रसाद श्रेष्ठले जानकारी दिए ।
शनिबार उद्घाटन हुने अधिवेसन तालिका अनुसार सन्चालन भए ८ गते नयां नेतृत्व चयन गर्र्दै सम्पन्न हुनेछ । अधिवेसनको तयारीकोलागी एमालेले विभिन्न उपसमिती चयन गरेको थियो । मन्च व्यवस्थापन उपसमितीका संयोजक एमाले जिल्ला सचिवालय सदस्य हितराज पन्थीका अनुसार उद्घाटन सत्र र बन्दसत्रकोलागी आवश्यक हल तथा मन्च तयार भइसकेको छ ।
यसैगरी अधिवेसनमा भाग लिन आउने ८ सय ८४ जना प्रतिनिधी र पर्यबेक्षक एवं अतिथीहरुकोलागी भैरहवामा विभिन्न होटलमा आवसको व्यवस्थापन गरिएको आवस व्यवस्थापन समितीका सदस्य थानेश्वर पौडेलले जानकारी दिए ।
अधिवेसनलाई शान्त र सभ्य रुपमा सफल पार्न पार्टिले जिल्ला सचिवालय सदस्य राजु गुरुंगको संयोजकत्वमा स्वयंसेवक समिती गठन गरेको छ । संयोजक गुरुंगका अनुसार अधिवेसन अवधीभर ९९ सय जना योग्य र सक्षम स्वयंसेवकले अधिवेसनलाई मयादित बनाउन भूमिका खेल्ने बताए ।
एमाले रुपन्देहीको अधिवेसनमा पार्टिका उपमहासविचद्धय विष्णु पौडेल र घनश्याम भुसाल, सचिव प्रदीप ज्ञवाली लगायतका पदाधिकारीले सम्बोधन गर्ने कार्यक्रम रहेको छ । अधिवेसनको उद्घाटन एमाले नेता गौतमले तिलोत्तमा नगरपालिका वडा नम्बर १७ मा निर्माण हुने मदन आश्रित स्मृति भवनको शिलान्यास गर्ने कार्यक्रम तय भएको जिल्ला उपसचिव राजेन्द्र प्रसाद पन्थिले जानकारी दिए ।
पार्टिले अधिवेसनकोलागी कार्तिक १ गते नै जिल्लाभरीका १४ हजार संगठीत सदस्यबाट ८ सय ८४ जना जिल्ला अधिवेसन प्रतिनिधी छनौट गरिसकेको छ । जिल्लाभरीबाट अधिवेसनकोलागी तल्लो कमिटीबाट निर्वाचित भएर आएका प्रतिनिधी संख्याको ५ प्रतिशत अधिवेसन आयोजक कमिटीले मनोनयन गरेको छ ।
बुधबार पार्टिको ३२ औं जिल्ला कमिटी बैठक भैरहवामा सम्पन्न भएको छ । एमाले स्थायी कमिटी सदस्य छबिलाल विश्वकर्माको प्रमुख आतिथ्यतामा सम्पन्न बैठकले कुल प्रतिनिधी संख्याको ५ प्रतिशत मनोनित गरेको जिल्ला सचिव तुलसी प्रसाद चौधरीले जानकारी दिएका छन् । सचिब चौधरीका अनुसार बैठकले पदाधिकारी ४ जना, समाबेसी तर्फ महिला ७ जना, आदीबासी जनजाती ८ जना, मजदूर ३ जना, मधेसी ३ जना, अल्पसंख्यक २ जना, दलित ४ जना, विशेष क्षेत्रबाट २ जना, खुल्ला ८ जना सदस्य अधिवेसनबाट छनौट गर्ने निर्णय गरेको छ । यसैगरी क्षेत्र नम्बर १ बाट ५ जना, क्षेत्र नं २ बाट ५ जना, क्षेत्र नं ३ बाट ६ जना, क्षेत्र नं ४ बाट ७ जना, क्षेत्र नं ५ बाट ५ जना, क्षेत्र नं ६ बाट ३ जना र क्षेत्र नं ७ बाट ३ जना खुल्ला सदस्य छनौट गर्ने निर्णय गरेको छ । बैठकले आगमी ४ वर्षे कार्यकालकोलागी ४ पदाधिकारी सहित ७५ सदस्यीय रुपन्देही जिल्ला कमिटी गठन गर्ने निर्णय गरेको हो ।
पार्टिको जिल्ला सदस्य हुन प्रतिनिधी छनौट भएको र संगठीत सदस्यता लिएको कम्तीमा ५ वर्ष हुनुपर्ने न्यूनतम मापदण्ड तय भएको पार्टिका जिल्ला कार्यलय सचिब हितराज पन्थीले जानकारी दिए । अधिवेसनमा कुल ९ सय ९८ जना प्रतिनिधीले भाग लिनेछन् भने अधिवेसनकोलागी विभिन्न उपसमितीले तिब्रताका साथ काम पनि गरिरहेको कार्यलयले जनाएको छ । एमालेले यस पटकको जिल्ला अधिवेसनमा भाग लिने प्रतिनिधी तल्लो कमिटीबाट छानिएर आउनुपर्ने प्रावधान राखेकोले हालका जिल्ला अध्यक्ष देखी लिएर सदस्य सम्म पनि प्रतिनिधी छनौट भएर आइसकेकाछन् । जबकी विगतका अधिवेसनमा आयोजक कमिटीका सदस्य स्वतः प्रतिनिधी बन्ने प्रचलन रहेको थियो ।
पदाधिकारीका प्रत्यासीहरु
एमालेको नयां नेतृत्वकोलागी हाल विद्यमान जिल्ला सदस्यहरु कोही पदाधिकारीमा प्रत्यासी रहेका छन् भने कोही सोही पदमा दोहरीन चाहेका छन् । यसका अतिक्ति आसन्न अधिवेसनमा नयां र पुराना धेरै नेताहरुले आकांक्षा व्यक्त गरेका छन् । जसले गर्दा सीमित संख्याको जिल्ला कमिटीमा धेरैको आकांक्षालाई सम्बोधन गर्न एमाले नेतृत्वलाई फलामे चिउरा चपाए जस्तै हुने देखिएको छ । एमाले उपमहासचिवद्धय विष्णु प्रसाद पौडेल र घनश्याम भुसालको गृह जिल्ला रहेको रुपन्देहीमा दुबै नेताले सर्वसम्मत नेतृत्व वा प्यानलगत प्रतिसपर्धा जे चाहन्छन् त्यहि किसीमले नेतृत्व चयन हुने देखिएको छ ।
यद्यपी अहिले सम्म अध्यक्षकोलागी हालका उपाध्यक्ष शिवराज सुवेदी, सचिवालय सदस्य तथा मोर्चा प्रमुख पुरुषोत्तम घिमिरेबीच प्रतिसपर्धा हुने देखिएको छ । सुवेदी उपमहासचिब पौडेल नजिक, घिमिरे अर्का उपमहासचिव भुसाल नजिक मानिन्छन् ।
एक पद उपाध्यक्षकोलागी तुलसी चौधरी, राजु गुरुंग र हरि अधिकारीको चर्चा रहेको छ । सचिवको लागी राजेन्द्र प्रसाद पन्थि, हितराज पन्थि, तेजेन्द्र के.सी , सिद्धीचरण भट्टराई, बासु घिमिरे र गोपाल राना प्रतिसपर्धामा उत्रीने देखिएको छ । यसैगरी एक पद उपसचिबकोलागी श्रीराम यादव, जागेश्वरी चौधरी, पम्फा खनाल र सन्जय गुप्ता प्रतिसपर्धामा उत्रीने देखिने भएका छन् ।
जिल्ला सदस्यमा नयां पुस्ताको होडबाजी
राजनिती प्रति युवा पुस्ता निरश भइरहेका छन् भन्ने चर्चा चलिरहेको बेला एमाले रुपन्देहीको अधिवेसनको सरगर्मिका बीच युवा पुस्ताको राजनिती प्रतिको लालयीता बढेर गएको देखिएको छ । जिल्लाभरी कार्तिक १ गते छनौट भएका ८ सय ८४ जना प्रतिनिधीमा युवा पुस्ताको संख्या उल्लेख्खय रहेको छ । जसरी प्रतिनिधी छनौटमा युवा पुस्ता अग्रभागमा देखिएका छन् यसैगरी एमालेको नेतृत्व सम्हाल्ने सबालमा पनि जिल्ला सदस्यकोलागी अधिकांश युवाहरुले उम्मेदवारी दिने बुझिएको छ ।
जिल्ला सदस्यकोलागी वर्तमान जिल्ला सदस्यका अतिरीक्त नयां सदस्यमा मोहन चापागाई (प्रेस चौतारी पुर्व केन्द्रिय उपाध्यक्ष तथा रुपन्देही अखिलको पुर्व अध्यक्ष), उमा काफ्ले (अनेमसंघ जिल्ला अध्यक्ष तथा एमाले पुर्व नगर अध्यक्ष), सरिता श्रीस (युवा संघ केन्द्रिय सदस्य तथा पुुर्व जिल्ला अध्यक्ष ) , घनेन्द्र विक्रम पाण्डे( एमाले क्षेत्र नम्बर २ अध्यक्ष ), बाबुराम पन्थि (अनेरास्ववियु पुर्व सचिवालय सदस्य तथा पुर्व स्ववियु सभापति), इन्द्रजीत यादव( एमाले क्षेत्र नम्बर २ उपाध्यक्ष), उमा अधिकारी (अनेरास्ववियु पुर्व केन्द्रिय सदस्य), चक्र बहादुर थापा(अनेरास्ववियुका पुर्व नेता तथा अखिल जिल्ला कोषाध्यक्ष ) , धर्मराज गिरी (मदन भण्डारी स्र्पोटस एकाडेमी रुपन्देही संस्थापक उपाध्यक्ष) , रामबहादुर श्रेष्ठ (एमाले सिद्धार्थनगर अध्यक्ष) , धुव्र आचार्य (युथ फोर्स केन्द्रिय उपप्रमुख ) , लक्ष्मी थापा (युवा संघ नेतृ) , गोविन्द रेग्मी , डिजाइन थापा , यज्ञमूर्ति भण्डारी , निरबहादुर खड्का (युवासंघका पुर्व नेता), रामप्रसाद रेग्मी, गोपाल खनाल –पुर्व स्ववियु सभापति) लगायतले सदस्य पदमा उम्मेदवार दिने गरी प्रचार समेत थालेका छन् ।
