बुटवल, २१ कार्तिक । पछिल्लो एक सातामा रुपन्देहीमा चार जनाको हत्या भएको छ । रुपन्देहीमा श्रृखलाबद्ध अपराधका घटना घट्दै गएका कारण जनतामा त्रास पनि बढ्दै गएको छ ।
कात्तिक ११ गते बुटवल ४ मैनावगर बस्ने ३५ बर्षिय शिव चौधरीको हत्या भयो । १३ गते कत्तिक रुपन्देही देवदह ढेकावारकी २३ बर्षिया नमकला पाण्डेको हत्या भएको थियो ।
त्यस्तै कात्तिक १४ गते राती बुटवल ५ गोलपार्क बस्ने बर्ष ३४ का बिर वहादुर गुरुड.को बुटवल तामनगर ढवाहखोलाको पुलमुनि हत्या गरी फालिएको अवस्थामा फेलापरेको थियो ।
त्यस्तै रुपन्देहीको सदरमुकाम भैरहवामा कात्तिक १७ गते एक भारतीय महिला ३५ बर्षिय रेखा सिहाको बसपार्कमा रहेको गोर्खा प्रीन्स होटलमा हत्या भएको थियो । त्यस्तै कात्तिक १४ गते रुपन्देही देवदह माईत आएकि सुत्केरी दिपा थापाको र कात्तिक १७ गते रुपन्देही रुद्रपुर की ४५ बर्षिया कोपिला पौडेलको हत्याको प्रयास हुदा गम्भीर घाईते भएकी छन ।
रुपन्देहीमा अपराधिक घटना बढ्दै गएपछि प्रहरीले आईतवार इलाका प्रहरी कार्यालय बुटवलमा पत्रकार सम्मेलन गरी जिल्लाको शान्ति सुरक्षाको स्थीती र अपराधिक घटना नियन्त्रणका लागि भएका प्रयासवारे जानकारी गराएको छ ।
रुपन्देहीका एसपी बुद्धिराज गुरुङले अपराधमा संलग्न केहीलाई सुराकिका आधारमा नियन्त्रणमा लिई अनुसन्धान भईरहेको र केही अपराधका अपराधिको खोजी भईरहेको जानकारी दिनु भयो ।
प्रहरीले बुटवल गोलपार्कका बस्ने ३४ बर्षिय बिर बहादुर गुरुङको हत्यामा संलग्न भएको आरापमा रुपन्देही सैनामैना १२ का २५ बर्षिय शिक्षक सन्तोष थापालाई नियन्त्रणमा लिई अनुसन्धान शुरु गरेको जनाएको छ ।
प्रहरीले हत्या गर्ने सन्तोष थापा र मृतक बिर बहादुर गुरुङ साथी भएको र अन्य अपराध लुकाउन हत्या गरेको दावि गरेको छ । अन्य अपराधिक घटनाका वारेमा पनि अनुसन्धा भईरहेको जनाएको छ ।
अपराधिक घटनाको अनुसन्धानका लागि क्षेत्रिय कार्यालय पोखरा र स्थानिय प्रहरी टोली परीचालन भईरहेको प्रहरीले जनाएको छ ।
