कार्तिक २२, काठमाडौं । अमेरिकाको जर्जिया राज्यमा भएको दुर्घटनामा चार जना नेपालीको मृत्यु भएको छ ।
दुर्घटनामा परि मृत्यु हुनेमा ६१ वर्षीय चिरञ्जीवी खनाल, उहाँकी श्रीमती ६१ वर्षीया जीवमञ्जरी शर्मा खनाल, २८ वर्षीया रिचा पन्त र २९ वर्षीया प्रतिमा सुवेदी रहेको जर्जिया डिपार्टमेन्ट अफ पब्लिक सेफ्टीलाई उद्धृत गर्दै स्थानीय अनलाइन डब्लूटीभीएमले जनाएको छ ।
घटनामा ३६ वर्षीय समीर खनाल र उनका भाइ घाइते भएका छन् । मालबाहक ट्रकसँग ठोक्किएर स्थानीय समयअनुसार शुक्रबार राति करिब ९ बजे दुर्घटना भएको हो । मृतक चारैजना कारको पछिल्लो सिटमा थिए ।
