कार्तिक २२, काठमाडौं । नेकपा एमालेका नेता माधवकुमार नेपालले सविधान संशोधनका बिषयमा उठाइएका मुद्धाहरु उचित नभएको भन्दै संशोधनमा एमालेले सहमति नजनाउने बताउनुभएको छ ।
आइतवार अमेरिकी राजदूत अलाइना टेप्लिजसँग भएको भेटमा एमाले विदेश विभाग प्रमुख समेत रहेका नेता नेपालले संविधान संशोधनका लागि उठाइएका मुद्दाहरु उचित नभएको स्पष्ट पार्नुभयो ।
संविधान संशोधनबारे राजदूत टेप्लिजले राखेको जिज्ञासामा नेता नेपालले मधेसकेन्द्रित दलहरुको मागअनुसार यसअघि नै संविधान संशोधन भइसकेको भन्दै छोटो समयमा बिना कारण छिटो-छिटो संशोधन गर्ने अभ्यास कतै नरहेको बताउनुभएको थियो । भेटमा राजदूत टेप्लिजले नेपालमा नयाँ संविधान बनेपछि राजनीतिक स्थिरता हासिल गर्न सबै दल एकजुट हुने विश्वास व्यक्त गर्नुभएको एमालेले जनाएको छ ।
