काठमाडौं । मंसरी १ । व्यवस्थापिका संसदले सांसद भक्तिप्रसाद पाण्डेको निधनमा शोक प्रस्ताव पारित गरेको छ । संसदको बुधबारको बैठकले नेकपा माओवादी केन्द्रका सांसद पाण्डेको निधनमा शोक प्रस्ताव पारित गरेको हो ।
अर्घाखाँचीबाट समानुपातिक सांसद पाण्डेको क्यान्सर रोगको उपचारका क्रममा सोमबार ललितपुरस्थित नेपाल क्यान्सर अस्पतालमा निधन भएको थियो । संसद बैठकमा सभामुख ओनसरी घर्तीले पाण्डेको निधनमा संसदले तयार गरेको शोक प्रस्ताव पढेर सुनाउनुभएको थियो ।
जनयुद्धकालमा हातहतियार खरिद लगायतका महत्वपुर्ण काम गर्नुभएका स्वर्गीय पाण्डे पार्टीमा ‘चाचा’ उपनामले चिनिनु हुन्थ्यो । पाण्डेको जन्म २०११ साल पुस ५ गते भएको थियो । संसदको अर्को शुक्रबार अपरान्ह १ बजे बोलाईएको छ।
