बुटवल, मंसिर ९ । प्रथम सैनामैना महोत्सव बिहिबारबाट सुुरु भएको छ । देश निर्माणमा व्यापारको आवश्यकता,व्यवसायिक हितसँगै सामाजिक एकता भन्ने उदेश्यले रुपन्देहीको सैनामैना नगरपालिमा महोत्सवको आयोजना गरीएको हो ।
सैनामैनाको पहिचान राष्ट्रिय स्तरमा कायम गर्नका लागि महोत्सवको प्रवेश द्धारालाई पर्यटकिय धार्मिक स्थल पर्रोहा परमेश्वर बोलबम धामको आकारमा सजाएको छ भने ,यहाँका धार्मिक पर्यटकीय स्थलहरु थारु होम स्टे,मलमला मन्दिर, ऐतिहासिक रानिकुवा,ठुलोकुवा,बोलबम पर्यटकिय पार्क देखि मौलीक कला सस्कृतिको संरक्षण गर्ने गरी महोत्सवलाई आकर्षक बनाईको हो ।
महोत्सवमा राष्ट्रिय स्तरका कलाकारहरु सगै हास्य व्यङ्य प्रदशन, विभिन्न जातजातिका झाँकी प्रदर्शन तथा प्रतियोगिता सहित ,उत्कृष्ट स्टललाई पुरस्कार, बाल उद्यान, पर्यटकीय स्थलको अवलोकन गर्ने टुर प्याकेज तथा हात्ति उठको सफारी गर्र्ने लगायत विबिध मनोरञ्जनात्मक कार्यक्रमहरु मुख्य आकर्षणका रुपमा रहनेछन् ।
यस्तै,महोत्सवमा कृषि उत्पादन,कृषि औजार,जडिबुटी तथा औषधि,छालाका सामानहरु,गारमेन्ट,गलैचा,सुचना प्रबिधी,सौर्य उर्जा, घरजग्गा निर्माण सामग्री,फर्निसिङ्ग तथा दैनिक उपभोग्य बस्तुहरु उपलब्ध गराइने छ ।
महोत्सव स्थल २४ घण्टै सि.सि.टि.भि सहितको सुरक्षामा राखिने सचिवालय व्यवस्थापन संयोजक देवराज पौडेले जानकारी दिनुभयो ।
महोत्सवको लक्ष्य अनुसार २ लाख दर्शकले अवालोकन गर्ने र १० करोड बराबरको आर्थिक कारोबार हुनेछ । मंसिर २० गते सम्म सञ्चालन हुने ‘प्रथम राष्ट्रिय सैनामैना कृषि पर्यटन तथा व्यापार महोत्सव–२०७३’ सैनामैना–२ कालिकाचोक मुर्गीयामा चलिरहेको छ ।
सैनामैना ब्यापार सघंले आयोजना गरेको महोत्सव पालो गर्दै आगामी बर्ष सैनामैना उद्योग बाणिज्य सघंल सञ्चालन गर्ने छ ।
आयोजक सैनामैना ब्यापार सघंका अध्यक्ष दुर्गा गौतमले सैनामैनाको पहिचान राष्ट्रिय स्तरमा कायम गर्नका लागि महोत्सव सार्थक रहने बताउनुभयो ।
पाँच नम्वर प्रदेश टुक्राउन नहुने
महोत्सवको उद्घाटन गर्दै नेकपा एमाले संसदीय दलका उपनेता तथा पूर्व सभामुख सुवासचन्द्र नेवाङले सहमतिबाट बनेको पाँच नम्वर प्रदेश टुक्राउन नहुने बताउनुभएको छ । नेवाङले सविधान कार्यान्वयन गर्न दलहरु एक हुनुपर्नेमा जोडदिनुभयो ।
कार्यक्रममा काग्रेस केन्द्रीय सदस्य तथा सासंद चन्द्र भण्डारीले प्रदेश नम्बर ५ लाई टुक्राउन खोजे बिरोधमा उत्रिने समेत चेतावनी दिनुभएको थियो ।
एमाले केन्द्रीय सदस्य खिमलाल भटराईले सहमतिका आधारमा गरेका निर्णय बिपरीत गतिबिधी हुनु योग्य नरहेको बताउनुभयो ।
कार्यक्रममा बोल्दै माओवादी केन्द्रका प्रेम गुरुङ,सैनामैना उद्योग बाणिज्य सघंका अध्यक्ष राज बहादुर क्षेत्रीले महोत्सव सफलताको शुभकामना ब्यक्त गर्नुभएको थियो ।
उद्धघाटन समारोह महोत्सव संयोजक दुर्गा गौतमको अध्यक्षता,सह संयोजक जिवनाथ पाण्डेको स्वागत तथा ब्यापार सघंका महासचिव देवराज पौडेलको सञ्चालनमा सम्पन्न भएको हो ।
