बन्ने भो जेसीआई सिद्धार्थ लेडिको भवन

बुटवल, १२ मंसिर । जेसिआई सिद्धार्थ लेडि नेपालको  भवनको शिलन्यास गरिएको छ । भैरहवाको दरखसवा स्थित संस्थाको आफ्नै जग्गामा निर्माण गर्न लागिएको उक्त भवनको रुपन्देहीका प्रमूख जिल्ला अधिकारी विष्णु प्रसाद ढकालले विधिवत रुपमा पुजाआजा गरेर शिलान्यास गरेका हुन् ।

विगत विस वर्षदेखि क्रियाशिल महिलाहरु मात्र आवद्ध रहेको उक्त संस्थाले विभिन्न दाताहरुको सहयोगबाट उक्त भवन निर्माण गर्न लागिएको संस्थाको अध्यक्ष रचना शर्माले जानकारी दिईन् ।  संस्थाकी अध्यक्ष शर्माले क्रियाशिल सदस्यहरुको सक्रियतामा जग्गा सम्म जोड्न सफल भएपनि भवन निर्माण कार्यकालागि भने दाताहरुको सहयोग नै आवश्यक रहेको बताईन् । भवनको शिलान्यास गर्दै रुपन्देहीका पजिअ ढकालले महिलाहरुको सक्रीयतामा निर्माण गर्न लागिएको उक्त भवनको शिलन्यास गरिसकेपछि सो संस्थाको भवन निर्माण कार्यकालागि आफ्नो पनि दायित्व बढेको बताए ।

कार्यक्रममा समाजसेवी दिलिप भट्टराई, जेसिआई सिद्धार्थका अध्यक्ष लेखनाथ भट्टराई, डा. शान्त कुमार शर्मा, उद्योग वाणिज्य महासंघका केन्द्रीय सदस्य कृष्ण प्रसाद शर्मा, नेपाल जेसिजका पूर्व अध्यक्ष श्रीधर बस्याल, संस्थाकि संस्थापक अध्यक्ष सरिना श्रेष्ठका बुवा धर्मराज श्रेष्ठ   लगायतले बोल्दै उक्त भवन निर्माणमा आ–आफ्नो तर्फबाट आर्थिक तथा अन्य तवरबाट हुने सहयोगको प्रतिवद्धता जाहेर गरेका थिए । कार्यक्रमम  रचना शर्माको अध्यक्षता,तुलसा भुसाल पाण्डेको संयोजन,  जेसी  अमृता पाण्डेको आस्था पाठ तथा मञ्जु शर्माको सञ्चालनमा सम्पन्न भएको थियो ।

Comments

comments

प्रतिक्रिया दिनुहोस्

This site uses Akismet to reduce spam. Learn how your comment data is processed.