काठमाडौं, मंसिर १२ । नेपाल ब्याडमिन्टन संघले राजधानीमा अन्तरार्ष्ट्रिय सिरिजको आयोजना गर्ने भएको छ । संघले ब्याडमिन्टन वल्र्ड फेडेरेशन र ब्याडमिन्टन एशीयाको स्विकृतिमा अन्तराष्ट्रिय सिरिजको आयोजना गर्न लागेको हो ।
संघले आइतवार राजधानीमा पत्रकार सम्मेलन गर्दै मंसिर २८ गते देखी बिडब्लुएफ अन्तराष्ट्रिय सिरिज यस पटक नेपालमा हुने जानकारी दिएको हो । सिरिजमा नेपाल सहित भारत, बंगलादेश, भुटान, श्रीलङका, पाकिस्तान, माल्दिभ्स, भियतनाम, मलेसिया, इरान, फिलिपिन्स, इन्डोनेसिया र सिरिया सहभागी हुने छन । सिरिजमा पुरुष तथा महिला एकल , पुरुष तथा महिला डबल्स र मिक्स डबल्स गरी पांच बिधाका कुल ९४ खेलाडीको सहभागिता रहने आयोजकको भनाई छ । त्रिपुरेश्वर स्थित राष्ट्रिय खेलकुद परिषदको कभर्डहलमा पुस २ गते सम्म संचालन हुने सिरिजको बजेट ४० लाख अनुमान गरिएको छ ।
