काठमाडौ । पुस १२ । सातौं राष्ट्रिय खेलकुद प्रतियोगितामा एथ्लेटिक्सको पदक तालिकामा त्रिभुवन आर्मी क्लबले म्याराथन बाहेक कुल ३४ स्वर्णमा २२ स्वर्ण जितेको छ ।
सुनसरीको इटहरी रंगशालाको ट्याकमा मंगलवार अन्तिम दिन आर्मीले पांच स्वर्ण जित्यो । तर दश हजार मिटरको स्वर्ण भने सशस्त्र प्रहरी बलका गोपी चन्द्र पार्कीको हातमा पुग्यो। गोपीले निर्धारित दुरी ३२ मिनेट ३९ दशमलब शुन्य पांच सेकेण्डमा पुरा गरेका थिए ।
महिला तर्फको स्वर्ण शसस्त्र प्रहरी बलकी कान्छी माया कोजुले जितिन् । उनले ३७ मिनेट १६ दशमलब पांच शुन्य सेकेण्डमा दुरी पुरा गरीन ।
चार सय मिटर पुरुष र महिला दुवै तर्फको स्वर्णमा आर्मीले जित्यो । आर्मीका सोम बहादुर कुमालले स्वर्ण जिते ।
