काठमाडौ । पुस २८। ३४ किलो सुन त्रिभुवन अन्तराष्ट्रिय विमानस्थलबाटै तस्करी भएको विषयमा दुइ जना कर्मचारी पक्राउ परेका छन ।
उक्त सुन तस्करीबारे अनुसन्धान गरिरहेको प्रहरीको केन्द्रीय अनुसन्धान ब्युरोको टोलीले भन्सारका तथ्यांक अधिकृत श्रीनारायण यादव र रेडियो टेक्निसियन राजकुमार ढकाललाई पक्राउ गरेको हो ।
पुस २० गते सीआईबीले विमानस्थलबाट बाहिरिएको करिब ३४ किलो सुनसहित तीन जनालाई पक्राउ गरेको थियो । उनीहरुकै बयान र सिसिटिभी फुटेजका आधारमा भन्सारका कर्मचारी पक्राउ परेका हुन् ।
टेक्निसियन ढकाल सुन रहेको ब्याग विमानस्थलबाट बाहिरिँदा एक्स-रे मेसिनको चेकिगमा खटिएका थिए । सुन बरामद भएपछि ढकालसहित ६ जनालाई निलम्वन गरिएको छ ।
