काठमाडौ । फागुन ७ । संविधान संशोधन प्रकृया र निर्वाचनलाइ संगसंगै अघि बढाउन सरकारले राखेको प्रस्ताव मधेशी मोर्चाले अस्विकार गरेको छ ।
सरकार र संयुक्त लोकतान्त्रिक मधेशी मोर्चाका नेताहरुको प्रधानमन्त्री निवास वालुवाटारमा शनिवार भएको वैठकमा मोर्चाका नेताहरुले संविधान संशोधन प्रकृया पहिला अघि बढाउनुपर्ने अडान राखेका थिए ।
प्रधानमन्त्री पुष्पकमल दाहालले संविधान संशोधन प्रस्ताव र स्थानीय तहको निर्वाचनमा संगै मिलेर अघि बढ्नुपर्ने भन्दै चुनावमा अघि बढ्न आग्रह गर्नुभएको थियो ।
चुनाव नभए मुलुक समस्यामा पर्ने भन्दै प्रधानमन्त्रीले सवै मिलेर चुनावमा पनि जाउँ भन्नुभएको सहभागी नेताहरुले बताएका छन । तर दुइ पक्षबिच कुरा नमिलेपछि बैठक निष्कर्षमा वा सहमतिमा भने पुग्न सकेन ।
