बुटवल, 7 फागुन । नबौं राष्ट्रपति अन्तर विद्यालय स्तरिय रनिङग शिल्ड निर्वाचन क्षेत्र छनोट प्रतियोगिता सुरु भएको छ । रुपन्देही जिल्लाका सात वटै निर्वाचन क्षेत्रमा उक्त प्रतियोगिता सुरु भएको हो । रुपन्देही क्षेत्र नं. ४ को छनोट प्रतियोगिता नवन औद्योगिक कदर बहादुर रिता रायमाझि माध्यमिक विद्यालयको व्यवस्थापनमा बुटवलमा सञ्चालन भएको छ । विद्यालयको खेल मैदान र लुम्बिनी बाणिज्य क्याम्पसको खेल मैदानमा सुरु भएको छनोट प्रतियोगिताको आज जिल्ला खेलकुद विकास समितिका अध्यक्ष योग गुरुङले उद्घाटन गर्नुभयो । छनोट प्रतियोगिता ८ गते सम्म चल्नेछ ।
छनोट चरणमा विभिन्न ईभेन्टमा प्रथम र द्धितियले जिल्ला स्तरिय रनिङग शिल्ड प्रतियोगिताको फाईनल चरणमा प्रतिस्पर्धा गर्नेछन । क्षेत्र नं. ४ अन्तर्गतका १६ विद्यालयको प्रतियोगितामा सहभागिता रहेको छ । प्रतियोगिता अन्तर्गत आज १ सय मिटर दौड, ४ सय, ८ सय, १५ सय मिटर छात्र छात्रा दौड प्रतियोगिता सम्पन्न भएका छन । त्यसैगरी हाईजम्प, लङजम्प, त्रिपलजम्प, ज्याम्पिङ, थ्रो, कपडडी, सटपुट लगाएतका हिट चरणका खेलहरु सम्पन्न भएका छन ।
जिल्ला खेलकुद विकास समितिका कोषाध्यक्ष कृष्ण थापाको अध्यक्षतामा भएको कार्यक्रमको सञ्चालन प्रेम बस्नेतले गर्नुभएको थियो । भोली पनि विभिन्न ईभेन्टमा प्रतिस्पर्धा हुने बताइएको छ । प्रतियोगिता सुरु हुनु पुर्व विभिन्न विद्यालयले मार्च पास समेत गरेका थिए ।
