बुटवल । फागुन १२ । रुपन्देहीको बुटवलमा तिलोत्तमा गोल्डकपको १९ औ संस्करण आजदेखि बुटवलमा शुरु भएको छ । एन्फा ऐकेडेमी देवीनगरमा शुरु भएको उद्घघाटन खेलमा शसस्त्र प्रहरी बलले शेरे एफसी क्यालिङगपोङ भारतलाइ एक -शुन्य गोलले पराजित गरेको छ । आजको खेलमा ससस्त्र प्रहरीका तर्फबाट सरोज कोइरालाले एक मात्र गोल गरेका थिए ।
प्रतियोगितामा भोलीको खेल नेपाल आर्मी र सिक्कीम युनाइटेड विच हुनेछ । फागुन २१ गतेसम्म सञ्चालन हुने प्रतियोगितामा नेपालका ८ र भारतका २ टिम गरी १० टिम सहभागी छन । खेलको उपाधि विजेताले ५ लाख ५५ हजार ५ सय ५५ रुपैया सहित रनिङ शिल्ड पुरस्कार पाउनेछ भने उपविजेताले ३ लाख ३३ हजार पाउने छ । उत्कृष्ट खेलाडीलाई स्कुटर प्रदान गरिने जिल्ला फुटवल संघ रुपन्देहीका अध्यक्ष दीर्घबहादुर केसीले जानकारी दिए ।तिलोत्तमा नदीको नामबाट तत्कालिन बुटवल नगरपञ्चायतले बि स २०३१ सालमा गोल्डकप स्थापना गरेका हो ।
