बुटवल । फागुन १८। सिएमजी संकटा क्लवले हिमालयन शेर्पा क्लबलाई २-१ ले पराजित गर्दै १९ औं तिलोत्तमा गोल्डकपको फाइनलमा प्रवेश गरेको छ। सुशील केसीले इन्जुरी टाइममा गोल गरेपछि संकटा संकटाले हिमालयनलाई २-१ ले पराजित गरेको हो ।
बुटवल देवीनगरस्थित एन्फा टेक्निकल सेन्टरको खेल मैदानमा बुधबार भएको पहिलो सेमिफाइनलमा भएको खेलको २६ औं मिनेटमा चेतन कुमार थारुले गोल गर्दै हिमालयनलाई पहिले अग्रता दिलाएका थिए।तर ४३ औं मिनेटमा संकटाका तर्फबाट विदेशी खेलाडी मार्टिनले गोल गर्दै खेल १-१ को बराबरीमा ल्याए ।
निर्धारित ९० मिनेटको खेल बराबरीमै सकिएपछि इन्जुरी टाइमको दुइ मिनेटमै सुशील केसीले गोल गरेपछि संकटा २-१ को जित हात पार्दै फाइनल प्रवेश गरेको हो ।
बिहिवारको दोश्रो सेमिफाइनल नेपाल आर्मी र रुपन्देही-११ बिच हुनेछ ।
