बुटवल । फागुन २१ । आगामी वैशाख ३१ गते हुन गइरहेको स्थानीय तहको निर्वाचनका कारण कक्षा ११ को बोर्ड परीक्षा एक महिना पछि सारेको छ ।
वैशाख २४ गतेदेखि हुने भनिएको कक्षा ११ को परीक्षा असार १ गतेदेखि ११ गतेसम्म गर्ने गरी एक महिना पछि सारिएको राष्ट्रिय परीक्षा बोर्ड सानोठिमीले जनाएको छ । निर्वाचनलार्इ ख्याल गरी कक्षा ११ को बोर्ड परीक्षा सारिएको परीक्षा नियन्त्रक सन्तोष अर्यालले जानकारी दिनुभयो । कक्षा ११ र १२ मा ७ लाख ६० हजार परीक्षार्थी सहभागी हुनेछन् ।कक्षा १२ को परीक्षा भने निर्धारित वैशाख १० गतेदेखि २२ गतेसम्म हुनेछ ।
