काठमाडौ । फागुन २२ । प्रहरीले साढे ३३ किलो सुन काण्डका मुख्य अभियुक्त हरिशरण खड्कासहित ५ जनामाथि रेडकर्नर नोटिस जारी गरेको छ। मुख्य अभियुक्त खड्कासहित ५ जनामाथि नेपाल प्रहरीले रेडकर्नर नोटिस जारी गरेको भन्दै सिआइबीले आइतवार पत्रकार सम्मेलन गरेको र इन्टरपोल मार्फत उनीहरुको खोजी हुने प्रहरीले जनाएको छ । पत्रकार सम्मेलनमा सिआइबीका डिआइजी नवराज सिलवालले उनीहरु सबै दुबइमा रहेको खुलाए। रेडकर्नर नोटिस जारी हुनेमा मुख्य अभियुक्त खड्का सहित अन्यमा गुप्तलाल भुसाल, अर्जुनप्रसाद खरेल, राजनप्रसाद पन्त र रञ्जन पन्त रहेको पनि प्रहरीको दावी छ । गत पुस २१ गते दुबईबाट काठमाडौं आउँदै गरेका बाँकेका गोपालबहादुर शाही साढे ३३ किलो सुनसहित पक्राउ परेका थिए।
