बुटवल । फाल्गुन २३, सप्तरीको राजविराजमा प्रहरी र मधेशी मोर्चा कार्यकर्ता विच झडप चर्केपछि प्रहरीले गोली चलाउँदा एक जनाको मृत्यु भएको छ । प्रहरीको गोली लागि मधेशी मोर्चाका कार्यकर्ता मलेठ– २ का २१ बर्षिय सञ्जन मेहताको मृत्यु भएको हो । यस्तै पिताम्बर मण्डल, दिगम्भर झा र अशोक झा (आनन्द)को पनि मृत्यु भएको छ । मेहताको घटनास्थलमै मृत्यु भएको हो भने बाँकी ३ जनाको अस्पतालमा मृत्यु भएको हो। राजविराज स्थित गजेन्द्र नारायण सिंह औद्योगिक क्षेत्रमा एमालेको मेचीमहाकाली अभियानको कार्यक्रम बिथोल्न गएका मधेसी मोर्चाका कार्यकर्तामाथि प्रहरीले गोली चलाउँदा एक युवकको मृत्यु भएको छ । घटनामा १४ जनालाई गोली लागेको र उनीहरुको उपचार भैरहेको बताइएको छ । मोर्चाका कार्यकर्ताले प्रहरी र एमाले कार्यक्रमस्थलमा लक्षित ढुंगा प्रहार गर्न नछाडेपछि प्रहरीले जवाफ कारबाही गर्नुपरेको प्रशासनले जनाएको छ । सभा सकिन लागेका बेला मधेसी मोर्चाको कार्यकर्ताले कार्यक्रम स्थल नै घेरा हालेरे विथोल्न खोजेपछि स्थिति नियन्त्रणमा लिन प्रहरीले अश्रुग्यास प्रहार गरेको हो । एमालेले घटना दुखद भन्दै त्यसको जिम्मेवारी मोर्चा आवद्ध दलहरुले लिनुपर्ने बताएको छ । शान्तिपुर्ण कार्यक्रम विथोल्ने र तोडफोड गर्ने कार्य गलत भएको भन्दै एमाले सचिव सचिव योगेश भट्राइले अभियान भने नरोकिने बताउनुभयो ।
