बुटवल । फाल्गुन २६ । सरकारबाट बाहिरिने चेतावनी दिदै आएको राप्रपाका अध्यक्ष कमल थापा सहितका नेताहरु सरकारमा गएपछि प्रधानमन्त्री पुष्पकमल दाहालले मन्त्रिपरिषद् विस्तार गर्नुभएको छ ।
संविधान संशोधनमा सहयोग नगर्ने र सरकारबाटै बाहिरिने चेतावनी दिएको राप्रपा सरकारमा जानुलाई अर्थपुर्ण रुपमा हेरिएको छ ।
सरकारले संविधान संशोधन प्रस्ताव पारित गर्न सत्ता समर्थक दललाई सरकारमा ल्याउने र विपक्षीलाई दवाव दिने रणनीति बनाएपछि राप्रपालाई सत्तारोहणको बाटो खुलेको हो ।
राप्रपाका अध्यक्ष कमल थापा उपप्रधानमन्त्री एवं संघीय मामिला तथा स्थानीय विकास मन्त्रालयको जिम्मेवारी लिदै सरकारमा सामेल भएका हुन ।
यसैगरी राप्रपाकै दिलनाथ गिरीले संस्कृति, पर्यटन तथा नागरिक उड्ययन मन्त्रालयको जिम्मेवारी पाएका छन ।
राप्रपाको प्रवेश भएपछि माओवादी कोटाबाट स्थानीय विकास मन्त्री बनेका हितराज पाण्डे र काग्रेसबाट पर्यटन मन्त्री बनेका जीवन बहादुर शाही मन्त्रालयबाट बाहिरिएका छन।
यसअघि राप्रपाका तर्फबाट दीपक बोहरा र विक्रम पाण्डे अहिलेको मन्त्रिपरिषद्माा सहभागी छन् ।
मन्त्री शाही र पाण्डेलाई ‘उचित’ जिम्मेवारी दिइने प्रधानमन्त्रीका प्रेस सल्लाहकार गोविन्द आचार्यले जानकारी दिनुभयो ।
