बुटवल,६ चैत .होटल तथा रेष्टुरेन्ट ब्यवसायी संघ रुपन्देहीले प्रदान गर्ने स्व. कालिदास स्मृति अक्षय कोष पर्यटन पत्रकारीता पुरस्कारबाट यसवर्ष बुटवलटुडेकर्मी स्वस्तिक श्रेष्ठलाई पुरस्कृत गरिएको छ । शनिबार बुटवलमा भएको संघको १७ औं वाषिर्क साधारण सभामा कार्यक्रममा प्रमुख अतिथि पर्यटन तथा नागरिक उड्यन मन्त्रालयका कार्यवाहक सचिव सुरेश आचार्य, संघका अध्यक्ष समुन्द्र जीसीले संयुक्त रुपमा पत्रकार श्रेष्ठलाई सम्मानपत्र, दोसल्ला र नगदसहित सम्मान गरेका हुन । यस क्षेत्रको पर्यटन विकास र प्रचारप्रसारमा योगदान दिएको भन्दै श्रेष्ठलाई सम्मान गरिएको हो । श्रेष्ठले बुटवलटुडे दैनिकमा पर्यटन विटमा रहेर ऐतिहासिक, धार्मिक, सास्कृतिक विषयमा कलम चलाउदै आएका छन ।
कार्यक्रममा प्रमुख अतिथि आचार्यले पर्यटन डायरीको समेत विमोचन गरेका थिए ।
