बुटवल, चैत्र २२ । बुटवल-१०, सुख्खानगरमा अवस्थित दीप बोर्डिङ हाई स्कुलको कक्षा ११ विद्यार्थीहरूले कक्षा १२ को बोर्ड परीक्षाको तयारी गरिरहेका विद्यार्थीहरूलाई विदाई तथा शुभकामना कार्यक्रम सम्पन्न गरेका छन् ।
कार्यक्रममा कक्षा ११ का विद्यार्थी तथा शिक्षक शिक्षिकाहरूले परीक्षाको सफलताको लागि कक्षा १२ का विद्यार्थीहरूलाई शुभकामना प्रदान गर्नुभएको थियो भने कक्षा १२ को परीक्षापछि भविष्यलाई समुज्वल बनाउन विशेष मिहिनेत, लगनशीलता हुनुपर्ने कुरामा जोड दिनुभएको थियो ।
कार्यक्रममा विद्यालयले शैक्षिक सत्र २०७३ मा सम्पन्न विभिन्न अतिरिक्त क्रियाकलापमा सहभागी भई प्रथम, द्वितीय र तृतीय हुने तथा वाषिर्क परीक्षामा प्रथम द्वितीय र तृतीय हुने विद्यार्थीहरूलाई पुरस्कार वितरण गरेको थियो भने कक्षा ११ र १२ विद्यार्थीहरूले नृत्य, गीत, गजल, कविता, मुक्तक आदि प्रस्तुत गरेका थिए ।
विद्यालयको कक्षा ११ का विद्यार्थी निरज पौडेलको सभाध्यक्षता, विद्यालय व्यवस्थापन समितिका उपाध्यक्ष उमाकान्त चापागाईको प्रमुख आतिथ्यता, प्राचार्य टीकाराम न्यौपानेको विशिष्ट आतिथ्यता, उपप्राचार्य द्वय ज्ञानु थापा र सुरेन्द्रकुमार शाक्य, प्लस टु संयोजक वसन्त जोशी, व्यवस्थापन संकायका संयोजक डी.बी. रायमाझी, विज्ञान संकायका संयोजक कमल नेपाल लगायत शिक्षक शिक्षिकाहरूको आतिथ्यतामा सम्पन्न कार्यक्रममा कक्षा ११ की छात्र बुढाले स्वागत मन्तव्य, गीता पाण्डेले शुभकामना मन्तव्य, कक्षा १२ की छात्र स्वस्तिका भण्डारी, सागर भट्टराई, सिलम श्रेष्ठ र नारायण खनालले धन्यवाद तथा विद्यालयमा रहादाको अनुभव व्यक्त गरेका थिए भने कार्यक्रमको सञ्चालन विद्यार्थी विराज काप\mले, रीता पुन, नमन सेढाई, विपना अधिकारीले गरेका थिए भने पुरस्कार वितरण कार्यक्रम शिक्षक पुरुषोत्तम पाण्डेले सञ्चालन गर्नुभएको थियो ।
