बुटवल । चैत २५ । होटल ब्यवस्थापन शिक्षामा अव्वल विस्डम लुम्विनी कलेजले दोश्रो ब्याचका विद्यार्थीहरुका लागि अभिमुखिकरण तालिम दिएको छ । कलेजका अध्यक्ष मधुकर शर्माको प्रमुख आतिथ्यतामा सम्पन्न तालिममा प्राविधिक शिक्षा र होटल म्यानेज्मेण्ट क्षेत्रमा अध्ययनरत जनशक्तिको आवश्यकताबारे समेत छलफल भएको थियो । त्यस अवसरमा कलेजले दिने सेवा सुविधा र विद्यार्थीको दायित्वबारे पनि प्रशिक्षण दिइएको थियो । तालिममा कलेजका प्राचार्य सुशील गिरी, संचालक निश्चल श्रेष्ठ, सरोज अर्याल, प्राध्यापक देवराज शर्मा, शिक्षा श्रेष्ठ, पत्रकार केशव भण्डारी, कलेजमा अध्ययन गरेर चीन जान लागेका विद्यार्थी लक्ष्मण पोखरेल लगायतले बोल्नुभएको थियो । कार्यक्रम कलेजका उपाध्यक्ष विमल केसीको अध्यक्षतामा भएको थियो ।
होटल व्यवस्थापनमा दक्ष जनशक्ति उत्पादनमा सक्रिय कलेजले सामाजिक क्रियाकलापमा समेत सहभागिता जनाउँदै आएको छ । होटल ब्यवस्थापनमा दक्ष जनशक्ति उत्पादन गर्दै व्यवहारिक शिक्षा दिने विस्डम लुम्विनी कलेज बुटवल क्षेत्रकै पहिलो कलेज हो ।
होटल म्यानेजमेन्टका डिप्लोमाका कक्षाहरु समेत संचालन गर्दै आएको कलेजले आफ्ना विद्यार्थीहरुलाई इन्र्टनशिपका लागि चीन तथा मलेसिया पठाउने गरेको छ ।
