काठमाडौ । चैत २७ ।कँही नभएको जात्रा हाँडी गाँउमा भन्ने उखान नेपाली राजनीतिमा पटकपटक चरितार्थ हुँदै आएकै हो । यत्सलाइ समेत माथ गर्ने गरी मन्त्रिपरिषदमा को वरिष्ठ भन्ने बखेडाले एक महिना सम्म बैठक नै बस्न नसक्नु अर्को तमासा चलिरहेको छ ।
उपप्रधानमन्त्रीद्धय मध्ये स्थानीय विकासमन्त्री कमल थापा वरिष्ठ कि गृहमन्त्री विमलेन्द्र निधि भन्ने विवादले गत चैत ३ गतेदेखि मन्त्रिपरिषद बैठक बस्न सकेकै छैन ।
सबै कुरा मिलिसक्यो भनेर आइतवारका लागि बोलाइएको क्याविनेट पनि निधिको घुर्कीले सोमवार सम्मका लागि सारिएको छ । स्रोतका अनुसार प्रधानमन्त्री पुष्पकमल दाहालले थापालाइ दोश्रो बरियता दिने भएपछि निधिले आफु बैठकमा नआउने घुर्कि लगाएपछि बैठक अन्तिम समयमा स्थगित गरिएको हो ।
आइतवारको बैठकमा संविधान संशोधनको नयाँ प्रस्ताव, प्रहरी महानिरीक्षक नियुक्तिका बिषयमा प्रकृया अघि बढाउने भनिएको थियो । तर कानूनमन्त्री अजय शंकर नायकले वरियता विवाद पनि मिल्न लागेको भन्दै नयाँ संशोधन प्रस्ताव र आइजिपी नियुक्तिको प्रकृया टुंगोमा पुर्याउन बैठक सारिएको बताए ।
