काठमाडौ । चैत २८ । सरकारले संविधान संशोधनको नयाँ प्रस्ताव अघि बढाउने तयारी गरिरहेका बेला प्रमुख प्रतिपक्षी दल नेकपा एमालेले भने स्थानीय तहको अधिकार कटौती हुने गरि प्रस्ताव ल्याउन लागेको भन्दै अस्विकार गर्ने निर्णय गरेको छ ।
सरकारले गाँउ तथा नगरपालिकाका प्रमुख र उपप्रमुखलाई राष्ट्रिय सभाको निर्वाचन मण्डलबाट हटाउने गरि संविधान संशोधनको नयाँ प्रस्ताव ल्याउन लागेको छ । तर एमालेको सोमवार बसेको स्थायी समिति बैठकले सरकारले एमालेसँग छलफल नै नगरी स्थानीय तहको अधिकार कटौती हुने गरि संशोधनको नयाँ प्रस्ताव ल्याउन लागेको भन्दै अस्विकार गर्ने निर्णय गरेको हो ।
सरकारको प्रस्तावले स्थानीय तहको अधिकार खोसिने एमालेको निष्कर्ष छ । सरकारले संसदमा टेवुल भएको संविधान संशोधन प्रस्ताव फिर्ता लिएर मधेशी मोर्चाका माग सम्बोधन हुनेगरि नयाँ प्रस्ताव लैजाने तयारी गरेको छ । मधेशी मोर्चाका माग सम्वोधन हुने गरि नयाँ प्रस्ताव दर्ता गर्ने निर्णय सरकारले गरेको छ । यस्तै एमालेले स्थानीय तह निर्वाचनमा गाउँ तथा नगरपालिका प्रमुख र उपप्रमुखमा उम्मेदवारको टुँगो लगाउने जिम्मा पार्टी अध्यक्षलाइ दिने निर्णय गरेको छ ।
