काठमाडौं, चैत ३०। नेपाल उद्योग वाणिज्य महासंघको ५१ औं साधारणसभाबाट अध्यक्ष पदमा भवानी राणा र वरिष्ठ उपाध्यक्षमा शेखर गोल्छा चयन भएका छन । वरिष्ठ उपाध्यक्ष स्वत अध्यक्ष हुने विधानको ब्यवस्था बमोजिम राणा अध्यक्ष बनेकी हुन भने गोल्छा निर्वाचनबाट विजयी भएर वरिष्ठ उपाध्यक्षको चुनाव जितेका हुन । महासंघको इतिहासमा महिलाले नेतृत्व हाक्न थालेको यो पहिलो पटक हो । वरिष्ठ उपाध्यक्षमा प्रतिद्वन्दी किशोर प्रधानलाइ पराजित गर्दै गोल्छा विजयी भएका हुन । तीन वर्षपछि ५२ औं साधारणसभाबाट गोल्छा स्वतः अध्यक्ष हुनेछन्। महासंघको जिल्ला/नगर समूहका उपाध्यक्षमा प्रमोद श्रेष्ठ विजयी भएका छन्। त्यस्तै, वस्तुगततर्फका उपाध्यक्षामा उमेशलाल श्रेष्ठ विजयी भएका छन्।
