काठमाडौ । चैत ३० । राष्ट्रपति विद्यादेवी भण्डारी आगामी वैशाख ४ देखि ८ गतेसम्म पाँच दिने भारत भ्रमणमा जानुहुने भएको छ ।
भारतीय राष्ट्रपति प्रवण मुखर्जीको निमन्त्रणमा राष्ट्रपति भण्डारी भारतको राजकीय भ्रमण हुन लागेको परराष्ट्र मन्त्रालयले जनाएको छ । भ्रमणका क्रममा राष्ट्रपति भण्डारीले भारतीय राष्ट्रपति, प्रधानमन्त्री, विदेशमन्त्री लगायत अन्य सरकारी अधिकारीहरुसँग भेटघाट गर्नुहुने कार्यक्रम रहेको पनि परराष्ट्र मन्त्रालयले जनाएको छ । राष्ट्रपति भण्डारीले अप्रिल १८ मा राष्ट्रपति भवनमा आयोजित रिसेप्सनमा सहभागी हुने तथा ‘गार्ड अफ अनर’ लिने कार्यक्रम रहेको छ ।
