बुटवल, बैशाख ९, सम्पदा संरक्षणमा योगदान गर्दै आएको एनएमबि बैंकले शनिवार छैठौ हेरिटेज वाक आयोजना गर्यो । केन्द्रमा काठमाडौं महानगरपालिकाको सहकार्यमा आयोजना गरिएको हेरिटेज वाक बैकका रुपन्देहीको बुटवल र झापाको उर्लावारी शाखाहरुले पनि आयोजना गरेका थिए । संस्थागत सामाजिक उत्तरदायित्व अन्र्तगत विगत ५ वर्ष देखि हेरिटेज वाकको आयोजना गर्दै आएको बैकले शनिवार बिहान बुटवलमा पनि जनचेतनामुलक हेरिटेज वाक आयोजना गर्यो । वाकको मुख्य उद्देश्य आम जनमानस तथा स्थानीय समुदायलाई सम्पदाको महत्व बुझाउनु तथा तिनको उचित संरक्षण गर्नुपर्छ भन्ने चेतना जगाउनु नै रहेको बैकंले जनाएको छ ।
बुटवलको शाखा कार्यालयबाट निकालिएको र्याली मिलनचोक, बसपार्क, अस्पताललानई हुादै कालिका मन्दिरमा पुगेर कोण सभामा परिणत भएको थियो । एनएमवि बैंकका सञ्चालक रोमणी पाठकले र्यालीको उद्घाटन गर्दै प्राकृतिक संरक्षणको अभियानमा एनएमविको साथ रहि रहने बताउनुभयो । प्राकृति र सम्पदाको संरक्षण गरे मुलुकलाई पर्यटकीय गन्तव्यको रुपमा विकास गर्न सकिने भन्दै सम्पदाको संरक्षण, प्रबर्द्धनको आवश्यकता रहेको बताउनुभयो ।
र्यालीमा प्राकृतिक सम्पदाको संरक्षण गरौ, प्राकृतिक सम्पदा हाम्रा गहना हुन, प्राकृतिक संरक्षण आफैबाट जस्ता प्ले कार्ड सहित सहभागि भएका थिए । यसैबीच बैंकले प्राकृतिक सम्पदा सम्बन्धी आयोजना गरेको चित्रकला प्रतियोगितामा विजेता दुई जनालाई सम्मान गरेको छ । बैंकका क्षेत्रिय प्रबन्धक लोकराज पनेरु र सञ्चालक रोमणी पाठकले विजयी गोरुसुङगे स्कुलका अनिषा खड्का र स्कलर्सहोम बाडिङ स्कुलकी प्रतिक्षा भुषाललाई सम्मान गर्नुभएको हो ।
कार्यक्रममा डाक्टर गणेश पाठक, सस्कृतिविद् बाबुराम ज्ञवाली लगायतले पनि बोल्नुभएको कार्यक्रमको संचालन वरिष्ठ प्रवन्धक युवराज पाठकले गर्नुभएको थियो ।
राजधानीमा आयोजित कार्यक्रमको उद्घाटन काठमाडौं महानगरपालिकाका प्रमुख तथा प्रमुख कार्यकारी अधिकृत ईश्वरराज पौडेल, पुरातत्व बिभागका प्रमुख भेषनारायण दाहाल र बैंकका संचालकहरुले संयुक्त रुपमा गर्नुभएको थियो । हेरिटेज वाकको बिशेष कार्यक्रम नक्साल नागपोखरीबाट शुरुवात भई बसन्तपुर दरबार स्क्वायरमा पुगि समापन भएको थियो ।
कार्यक्रममा वक्ताहरुले सांस्कृतिक सम्पदाहरुको संरक्षण र महत्वका बारेमा आ-आफ्नो धारणा राख्नुभएको थियो भने बैंकका प्रमुख कार्यकारी अधिकृत सुनिल केसीले सम्पदा संरक्षणका लागि बैंकको प्रतिबद्धता जाहेर गर्नुभएको छ ।
