काठमाडौ । बैशाख ११ । निर्वाचन आयोगले जेठ ३१ गतेका लागि तोकिएको दोस्रो चरणको निर्वाचनको कार्यतालिका सार्वजनिक गरेको छ ।
कार्यतालिका अनुसार उमेदवारको मनोनय दर्ता जेठ १९ गते तोकिएको छ ।
यस्तै उम्मेदवारको अन्तिम नामावली प्रकाशन र उम्मेदवारलाई निर्वाचन चिह्न २२ गते प्रदान गरिने छ । आयोगले सोमवार पत्रकार सम्मेलन गरि उक्त तालिका सार्वजनिक गरेको हो ।
प्रमुख निर्वाचन आयुक्त अयोधीप्रसाद यादवले दोस्रो चरणका लागि नयाँ मतदाता नामावली संकलन मतपत्र तथा मतदाता परिचयपत्र छाप्ने काम भने फेरि गर्न नसकिने बताउनुभयो ।
