वैशाख, १२ । नेपालमा विनाशकारी भूकम्प आएको दुई वर्ष पुगेको छ ।
२०७२ वैशाख १२ गते मध्याह्न ११ बजेर ५६ मिनेट जाँदा गोरखाको बारपाक केन्द्रविन्दु पारेर गएको भूकम्पबाट हजारौको ज्यान गयो भने अर्बौं रुपैयाँको धनमाल क्षति भयो ।
तर, यो पिडितको अहिलेसम्म पनि उचित पुनर्स्थापना हुन सकेको छैन । भुकम्पमा पनि राजनीति र चलखेल भएपछि क्षतिग्रस्त संरचना बनेनन भने छाप्रामा बसेका पिडितले घर बनाउन समेत पाएका छैनन ।
आठ हजार तीन सय ७७ जनाले ज्यान गुमाएको र ६ खर्बभन्दा ठूलो आर्थिक क्षति पुगेको भुकम्पपछि पुननिर्माणको काम सुस्त छ ।
राष्ट्रिय पुनर्निर्माण प्राधिकरणका प्रमुख कार्यकारी अधिकृत गोविन्द पोखरेल भने नीतिगत अस्पष्टताका कारण पुनर्निर्माणलाई गति दिन नसकिएको बताउँछन ।भूकम्पबाट आठ हजार विद्यालयमा क्षति पुग्यो, दुई वर्षमा १६ सय ५८ विद्यालयमात्र पुनर्निर्माण भए ।
३१ जिल्लाका सात सयभन्दा धेरै ऐतिहासिक एवं पुरातात्विक महत्वका मठ-मन्दिर, देवल, सत्तल, गुम्बा र पाटी पौवा भत्किए तर हालसम्म १९ वटा मात्र बनेका छन् ।
पाँच सय स्वास्थ्य संस्था पुनर्निर्माणको पर्खाइमा छन् । ६ लाख घर भत्किए तर अहिलेसम्म २२ हजारमात्र बनेका छन् ।
घर निर्माणका लागि सरकारले दिने अनुदान लिनै समस्या रहेको पीडित बताउँछन् । प्राधिकरणले भूकम्पपीडितलाई दोस्रो किस्तासमेत वितरण गर्न सकेको छैन ।
