काठमाडौ । बैशाख १३। चुनावको मिति नजिकिदै गर्दा सरकारले भने स्थानीय तहको संख्या फेरी बढाउने प्रकृया अघि बढाएको छ । सरकारको तयारीमा प्रमुख प्रतिपक्षी दल नेकपा एमालेले भने आपत्ति जनाएको छ श । संसदको बुधवारको बैठकमा स्थानीय विकास मन्त्री कमल थापाले संविधान कार्यान्वयन गर्न र मधेश केन्द्रीत दललाई निर्वाचनमा ल्याउन तराईका केही जिल्लामा संख्या थप गर्न लागिएको जानकारी गराउनुभएपछि एमालेले आपत्ति जनाउँदै संसद अवरुद्ध गरेको हो ।
मन्त्री थापाले निकासका लागि तराइका ११ जिल्लामा गाँउपालिकामा २२ हजार र नगरपालिकामा ३१ हजार जनसंख्या कायम हुने गरि स्थानीय तहको संख्या पुनरावलोकन गर्ने प्रकृया अघि बढाइएको बताउनुभएको थियो । तर एमाले प्रमुख सचेतक भानुभक्त ढकालले भने संविधान विपरित सरकारले स्थानीय तहको संख्या बढाउन खोजेको भन्दै एमालेलाई मान्य नहुने बताउनुभएपछि एमालेका सांसदहरु उठेर विरोध गरेका थिए । तर प्रतिपक्ष दल एमालेले भने चुनाव नजिकिदै गर्दा सरकारले पेस गरेको संविधान संशोधन विधेयक संवैधानिक रुपमा गलत भएको भन्दै संसदको बैठक चल्न दिएन ।
यसअघि विहान संसद अवरोध खुलाउने विषयमा सत्तारुढ दल र प्रमुख प्रतिपक्षी दलबीच छलफल भएको थियो ।
