काठमाडौं । जेठ १ । स्थानीय तह निर्वाचनको मतदान सकिएपछि परिणाम आउने क्रम पनि शुरु भएको छ ।
पछिल्लो परिणाम अनुसार एमालेले मनाङको चामे र नेस्याङ गाउँपालिकामा विजय हासिल गरेको छ ।
यसैगरी ललितपुरको महाकाल गाउपालिकाको वडा नम्वर ६ मा पनि एमाले उम्मेदवार विजयी भएका छन ।
ललितपुर महानगरपालिकामा १ नम्बर वडामा नेपाली कांग्रेसका उम्मेदवार निर्मल तण्डुकारको प्यानल बिजयी भएको छ ।
जाजरकोटको कुशे गाउँपालिका-९ मा पनि अध्यक्ष सहित कांग्रेसको प्यानल नै विजयी भएको छ ।
यसबाहेक देशका विभिन्न क्षेत्रमा मतगणना भैरहेको छ । केन्द्रीय राजधानी रहेको काठमाडौ महानगरपालिकाको मतगणना पनि शुरु हुँदैछ ।
अर्को महानगर ललितपुरमा मतगणना भैरहेको छ ।
पछिल्लो मपतपरिणाम अनुसार शंखरापुर नगरपालिकामा एमाले अघि देखिएको छ । उसले १५४ माओवादी केन्द्र १०८ र कांग्रेसले ५६ मत प्राप्त गरेको छ ।
दक्षिणकाली नगरपालिकामा पनि एमाले १०५ कांग्रेस ४४ र माओवादी केन्द्र २४ मत प्राप्त गरेको छ ।यस्तै काभ्रे,नवलपरासी,रसुवा लगायतका जिल्लामा पनि मतगणना भैरहेको छ । प्रारम्भिक नतिजा अनुसार एमाले अग्रस्थानमा देखिएको छ ।
अन्य ठाँउमा सर्वदलिय वैठक पछि मतगणना प्रारम्भ गरिने प्रमुख निर्वाचन अधिकृतहरुले जानकारी दिएका छन ।
